Россиядаги «Восток-2022» ҳарбий машғулотларида 250 нафардан ортиқ Беларусь ҳарбийлари иштирок этади, деб хабар бермоқда «БелТА» Беларусь Мудофаа вазирлигига таяниб. Машғулотларга Ғарбий оператив қўмондонлигининг механизациялашган бригадаларидан ҳарбийлар жўнатилади.
«Восток-2022» стратегик машғулотлар 30 августдан 5 сентябргача бўлиб ўтади. Ҳарбийлар Шарқий минтақада хавфсизликни таъминлаш учун қўшинлар гуруҳларини қўллаш масалаларини ишлаб чиқади. Машғулотларга Россия Шарқий ҳарбий округи қўшинларидан ташқари Ҳаво-десант қўшинларининг бир қисми, узоқ масофага учувчи ва ҳарбий-транспорт авиацияси ҳамда хорижий контингентлар жалб этилади, деб хабар берди Россия Мудофаа вазирлиги.
Ҳарбий манёврлар Шарқий ҳарбий округнинг 13 та полигонларида, жумладан Бурятия, Хабаровск ва Транс-Байкал ўлкаларида, Приморе ва Сахалинда, шунингдек, Курил оролларида: Горячие Ключи (Итуруп ороли) ва Лагунное (Кунашир ороли) полигонларида ўтказилади.
Япония ҳукумати Россияни «Восток-2022» машғулотлари зонасидан Курил оролларининг жанубий қисмини чиқариб ташлашга чақирган эди.
Япония 1855 йилдаги Савдо ва чегаралар тўғрисидаги рисолага асосланиб, Курил тизимининг тўртта жанубий ороллари — Итуруп, Кунашир, Шикотан ва Хабомайга даъвогарлик қилиб келади. Москванинг позицияси шундан иборатки, Жанубий Курил ороллари Иккинчи жаҳон урушидан кейин СССР таркибига кирган ва Россиянинг улар устидан суверенитети халқаро ҳуқуқий асосга эга
Изоҳ (0)