Rossiyadagi “Vostok-2022” harbiy mashg‘ulotlarida 250 nafardan ortiq Belarus harbiylari ishtirok etadi, deb xabar bermoqda “BelTA” Belarus Mudofaa vazirligiga tayanib. Mashg‘ulotlarga G‘arbiy operativ qo‘mondonligining mexanizatsiyalashgan brigadalaridan harbiylar jo‘natiladi.
“Vostok-2022” strategik mashg‘ulotlar 30-avgustdan 5-sentabrgacha bo‘lib o‘tadi. Harbiylar Sharqiy mintaqada xavfsizlikni ta’minlash uchun qo‘shinlar guruhlarini qo‘llash masalalarini ishlab chiqadi. Mashg‘ulotlarga Rossiya Sharqiy harbiy okrugi qo‘shinlaridan tashqari Havo-desant qo‘shinlarining bir qismi, uzoq masofaga uchuvchi va harbiy-transport aviatsiyasi hamda xorijiy kontingentlar jalb etiladi, deb xabar berdi Rossiya Mudofaa vazirligi.
Harbiy manyovrlar Sharqiy harbiy okrugning 13 ta poligonlarida, jumladan Buryatiya, Xabarovsk va Trans-Baykal o‘lkalarida, Primorye va Saxalinda, shuningdek, Kuril orollarida: Goryachiye Klyuchi (Iturup oroli) va Lagunnoye (Kunashir oroli) poligonlarida o‘tkaziladi.
Yaponiya hukumati Rossiyani “Vostok-2022” mashg‘ulotlari zonasidan Kuril orollarining janubiy qismini chiqarib tashlashga chaqirgan edi.
Yaponiya 1855-yildagi Savdo va chegaralar to‘g‘risidagi risolaga asoslanib, Kuril tizimining to‘rtta janubiy orollari — Iturup, Kunashir, Shikotan va Xabomayga da’vogarlik qilib keladi. Moskvaning pozitsiyasi shundan iboratki, Janubiy Kuril orollari Ikkinchi jahon urushidan keyin SSSR tarkibiga kirgan va Rossiyaning ular ustidan suvereniteti xalqaro huquqiy asosga ega
Izoh (0)