Россиянинг ичимликлар ишлаб чиқарувчи «Мултон» компанияси (Coca-Cola’нинг шўъба корхонаси) мамлакат бозорида Coca-Cola, Fanta ва Schweppes ичимликлари номларини ўзгартиришга қарор қилди. Улар тегишли равишда «Добрий Cola», «Добрий Orange» ва «Rich тоник» деб аталади. Бу ҳақда Mash Telegram-каналига таяниб, Tengrinews хабар бермоқда.
Таъкидланишича, Sprite линейкадан тушиб қолади. Ушбу ичимлик Россияда талабгир эмас. Бироқ ишлаб чиқарувчи янги таъмларни қўшади: Dushes, Cherry, Lemonade, Mango ва Sib Travy.
Маҳсулотлар шу йил кузидан бошлаб ишлаб чиқарилиши режалаштирилмоқда. Классик ичимликларнинг рецепти сақланиб қолиш-қолмаслигига аниқлик киритилмаяпти.
«Мултон» компанияси Rich ва «Добрий» шарбатларини ҳам ишлаб чиқаради.
Американинг алкоголсиз ичимликлар ишлаб чиқарувчиси Coca-Cola (брендлар Coca-Cola, Sprite, Fanta, Rich, Добрий ва бошқалар) Россиядаги фаолиятини тўхтатганини эълон қилган эди.
Шу билан бирга, PepsiCo ўзининг Mirinda, 7Up ва Pepsi Cola брендларини Россия бозорида сотмаслигини, шунингдек, инвестициялар ва реклама фаолиятини тўхтатиб туришини, шу билан бирга сут маҳсулотлари ва чақалоқлар формуласини ўз ичига олган асосий маҳсулотларни сотишда давом этишини эълон қилганди.
Изоҳ (0)