Сифати кафолатланмаган тиббиёт воситаларининг ноқонуний олиб кирилишига бўлган уриниш фош этилди.
Фарғона вилояти божхона бошқармаси Контрабандага қарши курашиш бўлими ходимлари томонидан вилоят ДХХ ходимлари билан ҳамкорликда ўтказилган тезкор тадбир давомида, Водил–Фарғона йўналишида ҳаракатланаётган К.Х. бошқарувидаги Spark русумли автотранспорт воситаси кузатувга олиниб, Фарғона шаҳар ҳудудида тўхтаб турган вақтида, белгиланган тартибда холислар иштирокида кўздан кечирилди.
Натижада автомашина салони ва юкхонасида, хорижда ишлаб чиқарилган ҳамда сифати кафолатланмаган, умумий қиймати 16,5 миллион сўмлик жами 5 500 дона тиббиёт системалари борлиги аниқланди.
Мазкур ҳолат юзасидан божхона органлари томонидан терговга қадар текширув ҳаракатлари олиб борилмоқда.
Изоҳ (0)