Андижонда ажрашган эр-хотин умумий мулк бўлган автомашинани бўлишиб олди.
Даъвогар Г.Қ. фуқаролик судига мурожаат қилиб, умумий мулкдан, яъни турмуши даврида олинган автомашинадан улушини ажратиб беришни сўраган.
Фуқаролик ишлари бўйича Андижон туманлараро судининг ижро ҳужжатига асосан умумий мулк ҳисобланган Cobalt автомашинаси жавобгар А.Қ. фойдаланувида қолдирилиши, унинг ўрнига жавобгар А.Қ.дан даъвогар Г.Қ. фойдасига компенсация сифатида автомашина қийматини тенг ярми, жами 37 836 000 сўм ундирилиши, шунингдек, Г.Қ. компенсация олганидан кейин автомашинадаги улушига бўлган ҳуқуқини йўқотиши белгиланди.
Бюронинг Олтинкўл туман бўлими ходимлари томонидан олиб борилган ижро ҳаракатлари давомида даъвогар Г.Қ. фойдасига 37 836 000 сўм пуллар ундирилиши тўлиқ таъминланди.
Изоҳ (0)