Turkiyaning Milliy statistika instituti ma’lumotlariga ko‘ra, iyun oyida mamlakatdagi inflyatsiya o‘tgan yilning shu davriga nisbatan 78,6 foizni tashkil etdi. Bu haqda davlat Markaziy banki rahbari Shahap Kavjio‘g‘lu xabar berdi.
Turkiyada inflyatsiya 60,4 foizga yetishi kutilmoqda. Bir yil oldin bu ko‘rsatkich 42,8 foiz deb prognoz qilingan.
Prognoz global tendensiyalarni hisobga olgan holda qayta ko‘rib chiqilgan. Yilning ikkinchi choragida geosiyosiy risklar saqlanib qoldi va ularning ta’siri iqtisodiyotga salbiy ta’sir ko‘rsatishda davom etmoqda.
Bundan tashqari, vaziyatga pandemiya oqibatlari, energetika bozoridagi vaziyat va boshqa omillar ta’sir ko‘rsatmoqda.
O‘tgan yilning dekabr oyidan beri Turkiya hukumati turk lirasini mustahkamlashga qaratilgan yangi iqtisodiy siyosatini olib bormoqda.
Shundan so‘ng ko‘plab mahalliy iqtisodchilar uni oshirish zarurligi haqida gapirsa ham, Turkiya Markaziy banki haftalik repo auksion stavkasini o‘zgarishsiz 14 foiz darajasida ushlab turdi.
Turk milliy valyutasi yil boshidan buyon 25 foizdan ortiq qadrsizlandi. Iqtisodchilarning fikricha bu tendensiya hali davom etadi.
Avvalroq Turkiyada narxlarning oshishi yana bir rekord o‘rnatgani haqida xabar berilgandi.
Izoh (0)