Россия президенти матбуот котиби Дмитрий Песковнинг айтишича, «Сохнут» ташкилоти бўлими билан боғлиқ вазият ва Исроил раҳбариятининг бунга муносабати эҳтиёткор бўлишни талаб қилади. Бу ҳақда «Gazeta.ru» хабар берди.
Исроил бош вазири Яир Лапид агар Россияда «Сохнут» яҳудий агентлиги ёпилса, бу икки давлат муносабатларига жиддий таъсир кўрсатиши мумкинлигини айтиб, бундай ҳолатда Россияга қарши санкциялар қўлланиши эҳтимолини эълон қилди.
Бундай вазиятда эҳтиёт бўлишимиз керак. Табиийки, «Сохнут»да қонунчиликка риоя қилиш борасидаги саволлар туғилади ва ҳолатни сиёсийлаштиришнинг ҳожати йўқ, бироқ барча ташкилотлар Россия қонунларига риоя қилиши кераклигини билиши лозим, — дея тушунтирди Дмитрий Песков.Аввалроқ россиялик сенатор Владимир Жаббаров Исроил ҳукуматини «Сохнут» билан боғлиқ вазият туфайли ўз баёноти нутқ оҳангида «ҳаяжонга берилмасликка» чақирган эди.
2022 йилнинг июль ойи охирида Москванинг Басманний суди, Россия Адлия вазирлиги Москва бошқармасининг бутун дунёдаги яҳудийлар ўртасидаги муносабатларни таъминлаш билан шуғулланувчи «Сохнут» агентлиги филиалини ёпиш ҳамда «репатриация» (турли сабабларга кўра ватанидан ташқаридаги ҳарбий асирлар, шунингдек, фуқаролик ҳуқуқи қайта тикланган муҳожирларни халқаро битим ва келишувлар асосида юртига қайтариш) масалалари ҳақидаги аризасини кўриб чиқишни режалаштирган.
Исроил ташқи ишлар вазири Исраел Ҳаёменинг сўзларига кўра, у «Сохнут» ёпилиши мумкинлиги сабабли яқин кунларда Россияга қарши чоралар тўғрисидаги қарорни қабул қилмоқчи.
Мавзуга доир: Кремль: Путин кузда хорижга бир нечта ташрифларни режалаштирмоқда
Изоҳ (0)