Криштиану Роналдунинг «Манчестер Юнайтед» билан музокараларининг тафсилотлари маълум бўлди.
26 июль куни португалиялик ҳужумчи агенти Жорже Мендеш билан биргаликда ўз келажагини муҳокама қилиш учун инглиз клуби базасига ташриф буюрди.
Хабарга кўра, Мендеш «Манчестер Юнайтед» раҳбариятидан мижози билан янги шартнома имзолашни ва кейинги мавсумда Чемпионлар Лигасида иштирок этиши учун уни бошқа клубга ижарага бериб юборишни сўраган.
37 ёшли ҳужумчининг агенти «Челси», «Атлетико» ва «Бавария» билан трансфер масаласида келишувга эришишга ҳаракат қилмоқда.
Аввалроқ манкунианликлар бош мураббийи Эрик тен Ҳаг Криштиануни жамоада қолишга ва янги лойиҳанинг бир қисми бўлишга ишонтиришга ҳаракат қилмоқчилиги хабар қилинганди.
Изоҳ (0)