Jazirama kunlar uchun salqinbaxsh desert: malinali muzqaymoq retsepti

Yozning jazirama kunlarida malina pyuresi, xushta’m krem va tuxum qo‘shib tayyorlanadigan ajoyib nafis desertni iste’mol qilish insonga huzur baxsh etadi. Desertning muzlashi uchun bir necha soat kutish lozim. Muzqaymoqqa o‘zingiz yoqtirgan mevalarni ham qo‘shishingiz mumkin.

Kerakli masalliqlar:

• yangi uzilgan yoki muzlatilgan malina — 250 g
• shakar — 225 g
• tuxum — 2 dona
• tuxum sarig‘i — 4 dona 
• ko‘pirtirish uchun krem — kamida 33 foizli, 600 ml

1. Idishga malina va 2 qoshiq shakar soling.
2. Uni o‘rtacha yoki juda past olovga qo‘yib, shakar eriguncha aralashtiring.
3. Aralashmani biroz quyuqlashguncha, ya’ni 5 daqiqa qaynatib oling.
4. Malina yumshoq holatga kelguncha aralashtiring.
5. Issiqlikka chidamli idishga tuxum, uning sarig‘i va qolgan shakarni soling. Ular aralashma holatiga kelgunga qadar mikser bilan ko‘pirtiring.
6. Idishni qaynoq suv solingan idish ustiga qo‘ying. Idishning pastki qismi suvga tegmasligi kerak.
7. Tuxum massasini 3-4 daqiqa davomida qalinlashguncha ko‘pirtiring.
8. Suv ustiga qo‘yilgan idishni oling va tuxumni ko‘pirtirishda davom eting.
9. Alohida mikser olib kremni ham ko‘pirtiring.
10. Kremni tuxum aralashmasiga soling va yumshoq holatga kelgunga qadar aralashtiring.
11. Aralashmani idishga soling, qopqog‘ini yopib taxminan bir soat muzlatkichga qo‘ying.
12. Keyin malina pyuresini krem ustiga soling va ozgina aralashtiring.
13. Aralashmani 5-6 soat muzlatkichga qo‘ying va muzqaymoq tayyor.

Mavzuga doir:

• Malina qo‘shib tayyorlanadigan merengali rulet retsepti
• Malina qo‘shib tayyorlanadigan shokoladli pirog retsepti
• Malina va qaymoqdan tayyorlanadigan mazali shirinlik retsepti
• Yoqimli ta’mga ega malina siropli shokoladli muss tayyorlang