Наманганда ўтказилган қўл жанги бўйича Президент кубоги халқаро мусобақаси — суратлар ва видеода

Наманган шаҳридаги «Афсоналар водийси» боғида қўл жанги бўйича Президент кубоги учун халқаро мусобақа бўлиб ўтди. Бу ҳақда «Дарё» мухбири Азизбек Абдувалиев хабар бермоқда.

Ўзига хос ёрқин шоу тарзида ташкилланган турнирда Россия, Қозоғистон, Беларусь, Германия ва Озарбайжондан келган спортчилар иштирок этди.

Мусобақада қўл жанги бўйича халқаро федерация вакиллари Наманган вилояти ҳокими Шавкат Абдураззақовга турнирни ташкил этишдаги саъй-ҳаракатлари учун миннатдорлик билдириб, ташаккурнома ва рамзий қора камар тақдим этди.

«Афсоналар водийси» татамиларида кечган беллашувларнинг барчасида ўзбекистонликларнинг қўли баланд келди.

Ширин Зоҳидова, Маъсума Мўминова, Ҳусниддин Сатторов, Жавоҳир Собитов, Олим Нормуродов ва Жаҳонгир Жумаев рақибларидан устун эканликларини яққол исботлади.

Мусобақа ғолиблари ва совриндорларига ташкилотчилар томонидан пул мукофотлари, эсдалик совғалари топширилди.

Кеча давомида ўзбек эстрадаси вакиллари иштирокида гала-концерт ҳам бўлиб ўтди. Ушбу концерт давомида томошабинлар Ёдгор Мирзажонов, Ширин Абдуллаева ва «Беном» гуруҳининг чиқишларини кузатди.

Мавзуга доир:

• Ўзбекистонда қўл жанги ва дзюдо бўйича бир қатор мусобақалар ўтказилади
• Фарғонада ўтказилган қўл жанги бўйича Ўзбекистон кубоги мусобақалари — суратларда