Тошкент вилояти Ички ишлар бош бошқармаси фуқаро Шоҳрух Шуҳрат ўғлига нисбатан қидирув эълон қилингани ҳақида огоҳлантирди.
Қайд этилишича, Шаҳриёров Шоҳрух Шуҳрат ўғли 1996 йилда Сирдарё вилоятида туғилган. Миллати ўзбек. Ўзбекистон Республикаси фуқароси. Муқаддам Сирдарё вилояти Гулистон шаҳри Н.Маҳмудов кўчасида яшаган.
Аниқланган маълумотларга кўра, у ўзининг Instagram’даги саҳифасида экстремистик мазмундаги материалларни тарқатиб келган. Суриянинг Идлиб шаҳрига жиҳод қилиш мақсадида кетиб, у ерда 40 кунлик (моаскар) бошланғич жанговар тайёргарликдан ўтган.
Ҳолат юзасидан Шоҳрух Шаҳриёровга нисбатан Жиноят кодексининг 155-2-моддаси (террорчилик фаолиятини амалга ошириш мақсадида ўқувдан ўтиш, чиқиш ёки ҳаракатланиш) 1-қисми билан жиноят иши қўзғатилган. Ҳозирда унга нисбатан қидирув эълон қилинган.
Мавзуга доир:
- Сурхондарёда Суриядаги халқаро террорчилик ташкилотига қўшилмоқчи бўлган 20 ёшли йигит ушланди
- Тошкент вилоятида экстремистик ғояларни тарғиб қилиб, Суриядаги жиҳодчилар оқимига қўшилмоқчи бўлган шахс ушланди
- Халқаро террористик ташкилотнинг ғояларини Ўзбекистонда тарғиб қилган эркак қидирувга берилди
Изоҳ (0)