«Сардор Мамадалиев рухсат сўрамай, ўз йўналишига мослаб куйлади». Қиличбек Мадалиев отасининг қўшиқларини бошқа хонандалар куйлашига муносабат билдирди (видео)

Марҳум санъаткор Охунжон Мадалиевнинг ўғли Қиличбек Мадалиев MY5 телеканалининг «Омон-Омон» кўрсатувига берган интервьюсида отасининг мусиқасини бошқа санъаткорлар куйлашига муносабат билдирди. Хонанда Сардор Мамадалиев Охунжон Мадалиевнинг таронасини сўрамасдан ижро этганини ҳам маълум қилди.

«Агар отамнинг мусиқасини бузиб айтишса бу иш қайсидир маънода мени хафа қилади. Чунки туғилганимдан бери шу мусиқаларни эшитиб катта бўлганман. Отам бўлсалар ҳам уларнинг ижодига ҳавас қиламан ва мухлис қатори мен ҳам ўзимни мухлис деб биламан. Фарзанд сифатида отамни жуда яхши кўраман ва қанча мақташ керак бўлса сўз бойлигим етмай қолади.

Ижодий томондан олиб қараганда мен ҳам ҳавас қилиб мусиқаларининг ҳар бир нуқта, вергулларигача эътибор бераман. Масалан, кимдир ижро қилса қаерда хато қилганини биламан. Лекин хатосини айтишга андиша қиламан. Ижро этишда эса сўрайдиганлари ҳам, сўрамайдиганлари ҳам бор. Охирги йилларда отамнинг мусиқаларини кўпчилик ижро этди. Сардор Мамадалиев сўрамасдан, ўзини йўналишига мослаб куйлади. Менга эса отам ижро қилган асл ҳолати ёқади» , — дейди хонанда.

Мавзуга доир:

• «Охунжон Мадалиевнинг унвони алмашиб қолган эди». Қиличбек Тожиев шогирдининг алмашиб қолган унвони ҳақида (видео)
• Instagram: Мисрликларни арабча рақси билан лол қолдирган Шаҳло, «Мендирман Жалолиддин» сериалига таклифни рад этган Зарина Низомиддинова, қимматбаҳо машина олган Қиличбек Мадалиев