Тарихий даврни катта экранда акс эттириш осон иш эмас. Бунинг учун фильм ва телесериаллар ижодкорлари тарихий маълумотномаларни, артефактларни ўрганадилар, ўша даврга хос бўлган мато ва аксессуарларни қидиришга кўп вақт сарфлайдилар. Буларнинг барчаси битта мақсад билан — томошабинларга тарихий давр атмосферасини 100 фоиз ҳис қилишига ёрдам бериш учун қилинади.
«Зодагонлар ҳаёти»
Фильм 1930 йилларда Голливуд ва Нью-Йоркда бўлиб ўтади. Шишган, енгил матолар, нафис ва ажойиб деталлар — қаҳрамонларнинг кийимлари даврга мос келади. Енглари манжетли, кенг бўйинбоғлар, тор чизиқлар ва тиззадан паст бўлган этаклар мода аёлларга хос бўлган даврни эслатади. Кундалик кийимлар ихчам ва қулай, кечки либослар эса ҳақиқий ҳашаматдир. Рангларнинг улкан палитраси ва либослардаги ёрқин ранглар ниҳоятда нафис кўринади.
Кристен Стюарт қаҳрамони ХХ асрда услуб, ҳашамат ва жозибадорлик тимсоли ҳисобланган Chanel либосларини кияди. Унинг қаймоқранг ва пушти шафтоли рангдаги 2 та винтаж либос бренд томонидан фильм учун махсус яратилган.
«Даунтон аббатлиги»
«Даунтон аббатлиги» фильмидаги костюмлар ҳашаматли ва тарихий жиҳатдан мукаммалдир. Коранинг қироллик балида кийган либоси винтаж матодан тикилган. Тилла барглар, паст бел, бўйнидаги кристаллар шодаси — дизайнер Анна Роббинс томонидан эҳтиёткорлик билан қайта тикланган.
Қиролича Марининг бал либоси эса 1920 йилларга эмас, балки олдинги даврга тегишли. Ва бу ажабланарли эмас, чунки ўша пайтда Марининг мақоми ва унинг ёшидаги хонимлар айнан шундай кийимларни кийишган. Кўйлак ва ички кийимнинг махсус бичими актриса Жеральдин Жеймсга ҳақиқий малика каби ҳаракат қилиш имконини берди. Кембриж зумрадлари билан тўлдирилган оригинал кумуш рангли матодан тикилган костюм тасвирни тарихийлик билан тўлдирган.
«Икки қиролича»
Елизавета юзига урғу бериш учун саккиз бурмали ёқа кийган. Бундай ёқани яратиш учун жуда кўп ипак тўр керак эди. Картинанинг либослар бўйича дизайнерлари асл нусхага тўлиқ ўхшашликка эришмагунча нейлон ва бошқа материаллар билан тажриба ўтказишади Марго Робби қаҳрамонининг ёқасидан бири уч қатламли шаффоф матодан тикилган бўлиб, у ўз шаклини мукаммал ушлаб туради ва ёруғликда чиройли жимирлайди.
«Макбет»
Либослар бўйича дизайнер Жаклин Дюрант XI аср либосларини мис ўймакорлигидаги тасвирлар асосида қайта яратади.
Леди Макбетнинг тож кийгандаги либоси қўл меҳнатининг эстетикани намойиш этади. Келинлик фатаси ипакдан қилинган, услуб Яқин Шарқ тўй маданиятидан, безаклар эса турли халқларнинг этник либосларидан олинган. Марваридлар оқ палитрага мос келади ва хочлардан фойдаланиш эса диний мавзуга ишора қилади.
«Буюк Екатерина»
Хелен Миррен ижросидаги «Буюк Екатерина» сериали тарих дарси учун яхши мисол бўлиши мумкин. Либослар бўйича дизайнер Майя Мешеде қироличанинг таржимаи ҳолини батафсил ўрганиб чиқади ва Эрмитажга ташриф буюради. У 3 ҳафта давомида Италияда XVIII аср матоларини қидиришга мажбур бўлади. Флоренция, Милан, Римдан парча, Венециядан — бахмал қидиради. Кейин у олти ой давомида корсет, катта ҳажмли юбка ва устки либослар тикади. Кашталар қўлда яратилган.
«Американча фирибгарлик»
«Американча фирибгарлик» фильмидаги воқеалар 1970 йилларда содир бўлади. Картинада ўша даврнинг услуби ўзининг бутун шон-шуҳрати билан намоён бўлади: кенг почалар, ялтироқ шимлар, безакли комбинезонлар, платформалар ва бошқалар. Костюм дизайнерлари майда деталларгача алоҳида эътибор беришган: олтин медалёнли маржон, Бредли Купернинг тугмасиз кўйлаги, Кристиан Бэйлнинг капалакнусха галстуги. «Американча фирибгарлик» фильми 10 та «Оскар» номинациясини олган, жумладан, энг яхши либослар бўйича дизайнер йўналишида ҳам.
Изоҳ (0)