Ҳиндистон Россия хом нефть импортини кучайтирди, у одатда Хитой нефтни қайта ишлаш корхоналари томонидан катта ҳажмда сотиб олинаётган эди. Бу ҳақда Bloomberg хабар берди.
Россиянинг ESPO нефтини ташувчи тўртта кема Ҳиндистонга йўл олди, иккита танкер шарқий қирғоқдаги Парадип портига — у ерда Ҳиндистон нефть корпорацияси томонидан бошқариладиган нефтни қайта ишлаш заводи жойлашган.
Сингапурдаги Vortexa компанияси таҳлилчиси Эмма Лининг айтишича,бу июндаги учта кема ва апрелдаги битта кема билан солиштирганда яхши ўсиш.
Савдо одатда Ҳиндистон харидорлари учун Россия Козмино юк ташиш портидан узоқдалиги ва ESPO нефти одатда кичикроқ ҳажмдаги афрамах кемаларида ташилгани сабабли манфаатли эмас.
Бироқ эндиликда Форс кўрфази ва Ғарбий Африкадаги бошқа нефть навларига нисбатан арзонроқ нархда бўлган Россия хом ашёси импортни кучайтиришга туртки бўлмоқда.
Аввалроқ май ойида Хитойнинг Россиядан нефть импорти рекорд даражада ошгани ҳақида хабар берилганди.
Изоҳ (0)