Ўзбекистон дунёнинг йирик ун импортчиларидан бири ҳисобланиб, бу йил одатдагидан камроқ ун сотиб олиши кутилмоқда. Бу ҳақда World Grain хабар берди.
Халқаро Дон кенгаши (IGC) бу йилги глобал ун савдоси 14,3 млн тонна бўлишини прогноз қилди.
Бу 2021—2022 йилларда сотилган 14,2 млн тоннадан бироз кўп ва 2019—2020 йилдан бери энг юқори кўрсаткич бўлади — 14,7 миллион тонна.
Дунёнинг йирик ун импортчиларидан бири бўлган Ўзбекистон одатдагидан кўп маҳаллий буғдой ҳосили туфайли бир йил олдингига қараганда 50 минг тоннага камроқ ун импорт қилиши кутилмоқда.
Яна бир йирик импорт қилувчи Бразилия 2021—2022 йилги мавсумдагига қараганда 30 минг тонна камроқ ун сотиб олиши тахмин қилинмоқда.
Шу билан бирга, сўнгги йилларда дунёдаги энг йирик ун импортчиси Ироқ 2022—2023 йилларда 2,7 млн тонна ун импорт қилиши прогноз қилинмоқда.
Бу аввалги IGC чораклик прогнозидан 100 минг тоннага ва бир йил аввалгидан 500 минг тоннага кўп.
Европа Иттифоқи 2022—2023 йилларда 260 минг тонна ун импорт қилиши кутилмоқда, бу IGC’нинг апрель ойидаги прогнозидан 110 минг тоннага кўп.
Урушдан вайрон бўлган Афғонистон томонидан импорт бўйича прогноз бироз пасайиб, 1,8 млн тоннадан 1,6 млн тоннага тушди, бу 2021—2022 йилдаги умумий кўрсаткичга тенг.
IGC маълумотларига кўра, дунёдаги энг йирик ун экспортчиси Туркия 2022—2023 йилларда 5 млн тоннадан сал кўпроқ ун экспорт қилишга тайёр, бу 2018—2019 йилги мавсумдан бери энг юқори кўрсаткич бўлади.
Қозоғистонда ун экспорти бироз пасайиб, бу йил 2,2 млн тонна бўлиши кутилмоқда, бу 2021—2022 йилларга нисбатан 50 минг тоннага кам.
Аввалроқ Ўзбекистон беш ойда 49 млн долларлик ун импорт қилгани ҳақида хабар берилганди.
Изоҳ (0)