2022—2023 йиллар куз-қиш мавсумида томошабинлар эътиборига ҳавола этилиши кутилаётган турк фильмлари (фото)

2022—2023 йил куз-қиш мавсуми учун кўплаб лойиҳалар устида иш аллақачон бошланган. Баъзиларида актёрлар сценарийни эндигина ўқишга киришган, бошқалари учун эса актёрлар таркиби танланмоқда. Шундай қилиб, турк киноси мухлисларини кўплаб янги лойиҳалар кутмоқда, аммо улар қизиқарли ва доимгидек ҳаяжонли бўладими ёки йўқлиги кузда маълум бўлади, деб ёзади «Яндекс Дзен».

2022 йил куз фаслида қуйидаги лойиҳалар бошланиши кутилмоқда:

Биринчи ўринни бош ролларда Серкан Тутунжу ва Дилан Чичек Дениз иштирокидаги «Ижарачи» сериали эгаллаган. Биринчи эпизодлар аллақачон баҳор охирида суратга олинганди, премьера эса кузга қолдирилди.

Шунингдек, Неслиҳан Атагул ва Кадир Доғулу ижро этган «Туннинг охири» сериалига актёрлар таркиби танланди.

Актриса Афра Сарачўғли ва Демир Мерт Рамазон ўйнаган «Антеплик» сериали ҳам мазкур рўйхатдан ўрин олди.

Октай Кайнаржа ва Пелин Акл иштирок этган «Бу дунёга сиғмайман» сериалининг суратга олиш ишлари давом этмоқда.

Аммо бу рўйхат кундан кунга ўсиб бормоқда. Телеканаллар ва рақамли платформаларда яна бир қанча лойиҳалар тақдим этилади.

«Менинг исмим Фараҳ»

Куз-қиш мавсумида Асли Энвер иштирокидаги «Менинг исмим Фараҳ» сериали тақдим этилади.

Бу 2017 йил Аргентинада суратга олинган «Фаррош» телесериалининг ремейки ҳисобланади. Сюжетда камдан кам учрайдиган касаллик – иммунитет танқислигидан азият чекаётган ўғлини қутқариш учун Филиппиндан АҚШга келишга мажбур бўлган тажрибали шифокор ҳақида ҳикоя қилинади, у узоқ муддатли қиммат даволанишни ва асоратларнинг олдини олиш учун мукаммал тозаликни талаб қилади. Ғамхўр онанинг тозалаш усуллари мафиянинг эътиборини тортади, улар ундан жиноят жойларини тозалаш ва далилларни яшириш учун фойдаланишни бошлайди.

Бу ҳикоя аллақачон мексикалик ва америкалик киноижодкорлар томонидан экранлаштирилган, энди эса турк сценарий муаллифларига навбат келди. Лойиҳа директори Режай Карагўз. Лойиҳада иштирок этиш учун у танаффус эълон қилган «Азиз» сериалида ишлашдан бош тортди. У аввалроқ «Истанбуллик келин» сериалларининг суратга олиш жараёнини бошқарган.

Асли Энвер шунингдек, 2022 йил охири ва 2023 йил бошида Disney + платформасида намойиш этилиши керак бўлган «Квест» лойиҳасида иштирок этади. Бош ролларни Асли Энвер ва Меҳмет Гунсур ижро этади. Сюжет йўқолган дугонасини қутқариш учун сектага кириб кетган бой қиз ҳақида ҳикоя қилади. Бу йўлда уни кўплаб хавф-хатарлар кутади. Секта фаолияти ҳақида билиб, у нафақат дўстини қутқаришга, балки сектанинг ўзини ҳам йўқ қилишга қарор қилади.

«Тикувчи»

Netflix’даги «Тикувчи» сериалининг биринчи мавсуми шу йилнинг кузида намойиш этилиши режалаштирилгани, сентябрь—октябрь ойларида томошабинларга тақдим этилиши ҳақида маълумотлар бор.

«Оҳ, Белинда»

Серкан Чаёғлу ва Неслиҳан Атагул иштирок этган Netflix платформаси учун «Оҳ, Белинда» фильми 2022 йилнинг охиригача экранга чиқади. Бу Неслиҳаннинг узоқ танаффусдан кейинги илк лойиҳаси бўлиб, бу лойиҳа давомида актриса соғлиғини тиклаши керак эди. Суратга олиш ишлари аллақачон якунланган, фақат премьерани кутиш қолди.

«Шаҳраман»

Бош ролларни Бурак Дениз ва Серенай Сарикая ижро этган «Шаҳраман» сериали 2022 йилнинг кузида экранларга чиқади. Лойиҳа узоқ вақт олдин, ўтган ёзда суратга олинган, аммо у 2022 йилда рақамли платформада бошланади. Биринчи фасл ҳар бири 45-50 дақиқадан иборат 8 та эпизоддан иборат. Аниқ сана ҳозирча маълум эмас.

 «Пера Палас меҳмонхонасида ярим тун»

Шунингдек, йил охирида улар «Пера Палас меҳмонхонасида ярим тун» сериалининг иккинчи қисмини намойиш этишни режалаштирган, гарчи аввалроқ лойиҳа келаси йил, баҳорда намойиш этилиши ҳақида маълумотлар бўлса ҳам. Сериал фантазия, вақт саёҳати, детектив чизиқ ва турк халқи ҳаётидаги муҳим тарихий воқеаларга бой.

«Триполининг махсус бўлими»

Махсус кучлар ва разведка бўлимининг иши ҳақида яна бир лойиҳа. Бу мавсумда аллақачон шунга ўхшаш сюжетга эга иккита лойиҳа мавжуд — «Разведка» ва «Ёлғиз бўри». Охирги марта «Эшигимни қоқ» романтик комедиясида экранларга чиққан Али Эрслан Дуру янги лойиҳада бош ролни ижро этади. Бу сафар актёр жиддийроқ лойиҳани танлади. У TRT Digital рақамли платформасида чиқадиган «Триполининг махсус бўлими» сериалида ўйнайди. Ойкю Челик сериалда унинг партнёрига айланади. Сериал TRT1 давлат каналида намойиш этилиши режалаштирилган.

«Мени ишонтир»

Бош ролларни Экин Коч ва Айча Айшин Туран ўйнаган «Мени ишонтир» фильми суратга олишга тайёрланмоқда.

Суратга олиш ишлари Чанаккале вилоятидаги кичик шаҳарча Асосда бўлиб ўтади. Бу яқин атрофда 1881—1883 йилларда олиб борилган қазишмалар пайтида топилган қадимги юнон шаҳри харобалари мавжудлиги билан машҳур. Бу ерда бир қанча бинолар, деворлар, устунлар сақланиб қолган.

Айча ҳам Мурат Боз билан рақамли платформа лойиҳасида иштирок этиш учун музокаралар олиб бормоқда. Тасвирга олиш ишлари август ойида бошланади, шундан сўнг актёрларнинг лойиҳадаги иштироки бўйича келишув амалга оширилгани маълум бўлади.

«Беверли Ҳиллз 90210» сериалининг ремейки

Асосий мавсум учун Ай Япıм Американинг «Беверли Ҳиллз 90210» сериалининг ремейкини тайёрламоқда (туркча версиясининг номи мавжуд эмас).

Бу яна бир ёшлар лойиҳаси. Мактаб ўқувчилари ва талабалар ҳақидаги («Менинг биродарларим ва опа-сингилларим» ва «Мени эшит») сериали муваффақиятидан илҳомланган фильм продюсерлари худди шу йўналишда ҳаракатланиб, мактаб ҳаёти ҳақида яна бир воқеани айтиб беришга қарор қилишди. Актёрлар таркиби танланган. Сериалда иштирок этиш учун Мерт Язичиоғлу, Ҳафсанур Санжактутан, Аслихан Малбора, Аҳсен Эроғлу, Салаҳаттин Пашали каби ёш актёрлар таклиф этилгани маълум.