Ўзбекистондан Хитойга газ экспорти 2022 йилда 2 баробар кўпайди

Ўзбекистон Хитойга энг кўп газ сотувчи давлатлар орасидан жой олди. Бу ҳақда 20 июль куни Хитой божхона бош бошқармаси маълум қилди.

Департамент маълумотларига кўра, Хитойга газ сотувчи давлатлар орасида Туркманистон биринчи ўринни эгаллашда давом этмоқда — 4,5 млрд долларлик газ, 1,5 баробар ўсиш. 

Ўзбекистондан Хитойга олти ойда 404 млн долларлик газ экспорт қилинган. Бу ўтган йилнинг шу даврига нисбатан 2,2 баробар кўпдир. 

Хитой Қозоғистондан газ импортини 8,8 фоизга камайтирган — 531 млн доллар. 

Ўзбекистон ички талабни қондириш учун Хитойга газ экспортини жорий йил бошидан тўхтатиб, май ойида яна қайта тиклаган эди.

Бу йил мамлакат 3,3 млрд куб метр газ экспорт қилишни режалаштирмоқда, бу 2019 йилда 12,2 млрд куб метрни ташкил қилган. 

Айни пайтда Ўзбекистонда қазиб олинаётган газнинг қарийб 10 фоизи Хитойга экспорт қилинмоқда. 

Бу кўрсаткич ички эҳтиёжларидан келиб чиқиб, ойдан ойга ўзгариб туради. Одатда экспорт қилинадиган газ ҳажми қишда камаяди, ёзда эса кўпаяди.

Аввалроқ Ўзбекистон яқин йилларда мамлакат газ экспортидан бутунлай воз кечиши мумкинлиги ҳақида хабар берилган эди.