O‘zbekiston Xitoyga eng ko‘p gaz sotuvchi davlatlar orasidan joy oldi. Bu haqda 20-iyul kuni Xitoy bojxona bosh boshqarmasi ma’lum qildi.
Departament ma’lumotlariga ko‘ra, Xitoyga gaz sotuvchi davlatlar orasida Turkmaniston birinchi o‘rinni egallashda davom etmoqda — 4,5 mlrd dollarlik gaz, 1,5 barobar o‘sish.
O‘zbekistondan Xitoyga olti oyda 404 mln dollarlik gaz eksport qilingan. Bu o‘tgan yilning shu davriga nisbatan 2,2 barobar ko‘pdir.
Xitoy Qozog‘istondan gaz importini 8,8 foizga kamaytirgan — 531 mln dollar.
O‘zbekiston ichki talabni qondirish uchun Xitoyga gaz eksportini joriy yil boshidan to‘xtatib, may oyida yana qayta tiklagan edi.
Bu yil mamlakat 3,3 mlrd kub metr gaz eksport qilishni rejalashtirmoqda, bu 2019-yilda 12,2 mlrd kub metrni tashkil qilgan.
Ayni paytda O‘zbekistonda qazib olinayotgan gazning qariyb 10 foizi Xitoyga eksport qilinmoqda.
Bu ko‘rsatkich ichki ehtiyojlaridan kelib chiqib, oydan oyga o‘zgarib turadi. Odatda eksport qilinadigan gaz hajmi qishda kamayadi, yozda esa ko‘payadi.
Avvalroq O‘zbekiston yaqin yillarda mamlakat gaz eksportidan butunlay voz kechishi mumkinligi haqida xabar berilgan edi.
Izoh (0)