2022 йилнинг январь—июнь ойларида Ўзбекистонд 60,3 трлн сўмлик қурилиш ишлари бажарилган. Бу ҳақда Давлат статистика қўмитаси ҳисоботидан маълум бўлди.
Жорий йилда соҳада ўсиш суръати 2021 йилнинг январь—июнь ойларига қараганда 6,2 фоизни ташкил қилди.
Энг кўп қуришлари ишлари Тошкент шаҳрида амалга оширилган — 14,5 трлн сўмлик. Кейинги ўринларни Тошкнет вилояти ва Самарқанд шаҳри эгаллади. Ушбу ҳудудларда мос равишда 5,6 трлн ва 4,1 трлн сўмлик қурилиш ишлари бажарилган.
Энг кам қурилиш Жиззах (1,7 трлн) ва Сирдарёда (1,3 трлн) амалга оширилган.
Бажарилган қурилиш ишларининг катта қисми янги бино ва иншоотларни қуришга тегишли. Жами қурилиш ишларининг 69 фоизи ёки 41,6 трлн сўм қурилиш ишлари айнан иқтисодиётда янги ишлаб чиқариш қувватлари, турар-жой ва бошқа ижтимоий объектларни яратишга қаратилган.
2022 йил январь—июнь ойларида ҳудудлар кесимида янги қурилиш ишлари бўйича юқори ҳажм, Тошкент шаҳри (9,3 трлн сўм), Фарғона (2,8 трлн сўм), Самарқанд (2,7 трлн сўм) ва Бухоро вилоятларида (2,7 трлн сўм) қайд этилди.
Изоҳ (0)