Озиқ-овқат инқирозини ҳал қилиш учун ҳеч қандай чора кўрилмаса, инсоният оммавий очарчилик, сиёсий беқарорлик ва назоратсиз миграцияга дуч келади. Бу ҳақда БМТнинг Жаҳон озиқ-овқат дастури баёнотида айтилади.
БМТ дастури 2022 йилни «мисли кўрилмаган очлик йили» деб номлади. БМТ маълумотларига кўра, ҳар куни 828 миллион одам тўйиб овқатланмайди.
Озиқ-овқат билан таъминланмаганлар сони 2019 йилдаги 135 миллиондан 345 миллионга кўпаяди.
45 мамлакатда 50 миллион одам очлик ёқасида яшайди. БМТ 152 миллион одамни боқиш учун 22,2 млрд доллар керак бўлишини айтмоқда.
БМТ оммавий очликнинг тўртта сабабини келтриди:
- қуролли можаролар;
- иқлим офатлари;
- COVID-19 пандемиясининг оқибатлари;
- нархларнинг ошиши.
Ташкилот маълумотларига кўра, очликни бошдан кечираётганларнинг 60 фоизи қуролли тўқнашувлар содир бўладиган ҳудудларда ёки атрофида яшайди.
Биз ҳозир мисли кўрилмаган инқирозга дуч келяпмиз ва агар уни стратегик ҳамда самарали ҳал қилмасак, биз катта очарчилик, ўнлаб мамлакатларнинг беқарорлашиши ва оммавий миграцияга дуч келамиз, — деди озиқ-овқат дастури директори Дэвид Бизли.
Бизли 2023 йил бу йилгидан ёмонроқ бўлиши мумкинлиги ҳақида огоҳлантирди. Шунингдек, у жаҳон ҳамжамияти яқин 6-12 ой ичида озиқ-овқат нархи ошиши сабабли қийинчиликларга дуч келишини тан олди. Муаммо ҳал этилмаса, дунё озиқ-овқат тақчиллиги остида қолади.
Июль ойи бошида БМТ Украинадаги жанговар ҳаракатлар туфайли бу йил дунёда 13 миллионга яқин одам қўшимча равишда тўйиб овқатланмаслик муаммосига дуч келишини башорат қилган эди.
Янгиланган прогнозларга кўра, 2030 йилда ҳам 670 миллиондан ортиқ одам очликни бошдан кечириши мумкин.
Изоҳ (0)