Э витамини тери парвариш қилиш маҳсулотларининг кенг тарқалган таркибий қисмидир. У лосьонлардан тортиб сивороткагача бўлган ҳамма нарсада мавжуд. Бу кўпчиликка C витаминининг фаол шериги сифатида маълум бўлиши мумкин — ушбу икки ингредиэнт ёнма-ён юради, чунки Э витамини С витаминини барқарорлаштиришга ёрдам беради, шунинг учун у кўплаб юз кремларига киритилган. «Новий очаг» нашри нима учун Э витамини косметик маҳсулотларга қўшилиши ва терига қандай таъсир қилишини аниқлашга қарор қилди.
Э витамини машҳур антиоксидантдир. Оксидланиш жараёнидан келиб чиққан ҳужайра шикастланишини зарарсизлантириш ёки камайтиришга ёрдам беради. Бу унинг қаришга қарши таъсирини англатади. Бу терини ўзгартира оладиган ҳақиқий супер агент ҳамда яллиғланишни енгиллаштирувчи витамин.
Э витаминининг фойдали хусусиятлари
Рационда Э витамини бўлган маҳсулотлар нафақат терининг ҳолатини яхшилашга ёрдам беради, балки ички органлар фаолиятини ҳам тартибга солади. Қон ивишини назорат остида ушлаб туради, қон қуйқаларини пайдо бўлишининг олдини олишга ёрдам беради, катта ва кичик томирларнинг эластиклигини яхшилайди, шунингдек, холестерин ортишини секинлаштиради. Бундан ташқари, бу витамин репродуктив тизимнинг нормал ишлаши учун жуда муҳимдир. У сут маҳсулотлари, ёнғоқлар, ўсимлик мойлари, кўкат ва сабзавотларда мавжуд.
Э витаминини тери юзасига қўллаш ҳам самаралидир: уни юзга ёғ концентрати сифатида суртиш ёки терига мос келадиган ушбу ингредиэнтни ўз ичига олган косметика маҳсулотдан фойдаланиш мумкин.
Рангни ўзгаришидан ҳимоя қилиш
Агар юз териси қора доғлар ёки гиперпигментацияга мойил бўлса, терини парвариш қилиш учун Э витаминини қўшиш жуда муҳимдир. Унинг антиоксидант таъсири қуёш нурида тери қорайишининг олдини олади.
Қаришга қарши таъсир
Антиоксидант сифатида Э витамини ҳам эркин радикаллар таъсирида терининг шикастланишини юмшатади. Атроф-муҳитнинг оксидловчи стресси ва ички қариш билан курашишга ёрдам беради ва уни кучли қаришга қарши таркибий қисмга айлантиради.
Яллиғланишга қарши хусусиятлар
Э витамини ҳуснбузар пайдо бўладиган таъсирчан терини тинчлантиради. Яллиғланишга қарши хусусиятлар мавжуд тошмаларни камайтиришга ёрдам беради ва янгилари пайдо бўлишининг олдини олади. Шунингдек, ҳуснбузардан кейинги ҳар қандай ранг ўзгаришини камайтиради.
Тавсиялар ва ножўя таъсирлар
Э витаминини ўз ичига олган маҳсулотлар ҳар қандай тери турларига мос келади. Аммо истиснолар мавжуд. Агар терининг тешиклари катталашган ҳамда ёғли бўлса, Э витаминини фақат бошқа маҳсулотлар билан биргаликда ишлатиш мумкин — соф Э витамини мойидан фойдаланиш тавсия этилмайди. Бу кўз қовоқлари, лаб четлари ва юзнинг Т зонаси каби энг заиф жойларда оқ доғлар ва ҳуснбузар пайдо бўлишига олиб келиши мумкин. Ёғ концентрати қуруқ тери эгалари учун кўпроқ мос келади.
Косметикани танлаш
Э витаминини намлантирувчи, сиворотка ва юз учун мўлжалланган ёғлардан топиш мумкин. Маҳсулот таркибида унинг мавжудлигини билиш учун Э витаминининг энг кенг тарқалган шакли бўлган ва кўпинча косметика соҳасида қўлланиладиган токоферолни қидириш керак. Бир вақтнинг ўзида C ва Э витаминли сивороткадан фойдаланиш яхшидир. Тандемда бу кучли антиоксидантлар оксидловчи стрессни камайтириш, қора доғларни кетказиш ва терини оқартириш учун самаралидир.
Изоҳ (0)