Сочларни сирка билан ювиш буви ва оналаримизга жуда яхши таниш, аммо 90 йиллардаёқ ушбу халқона маҳсулот кондиционер, бальзам ва юмшатувчи лосьон билан алмаштирилди. Лекин бугунги кунда ҳам шифокор-трихологлар яна анъанавий усулдан фойдаланишни тавсия этади, деб ёзади «Новий очаг».
Нима учун сиркадан кўпроқ фойдаланиш керак?
Торонтодаги энг машҳур трихологлардан бири Тони Чаарнинг ишончи комилки, сочларни сирка билан чайиш уларни чинакам соғлом ва чиройли қилади. «Сирка билан ювишнинг асосий афзаллиги шундаки, у рангли ёки бўялмаган, текис ва жингалак, калта ва узун, қуруқ ва ёғли барча сочларга мос келади. Мен олма ёки узум сиркасини афзал кўраман, ҳеч қандай сунъий қўшимчалар йўқ, фақат табиий маҳсулот », — дейди Тони.
Сирканинг соч учун фойдалари
Ҳажм қўшади
«Агар сочлар сийрак ва унчалик қалин бўлмаса, сирка ҳеч қандай спрей ва кукунлар қила олмайдиган ишни бажарадиган ҳақиқий эликсирдир. Биринчидан, кондиционерлардан халос бўлиш керак. Иккинчидан, ювгандан кейин сиркани чаймасдан сочларни қуритиш лозим. Сирка ҳиди бир соат ичида йўқ бўлиб кетади.
Соч рангини сақлаб қолади
«Бўялган сочлар ҳафтасига 2-3 марта сирка билан ювилса, ўз рангини узоқроқ сақлайди, чунки у сочларнинг кутикуласини ёпиқ ҳолда ушлаб туради, бу эса пигментнинг ўзгаришига йўл қўймайди», — дейди мутахассис.
Жилокорлик бахш этади
Агар сочлар ранги хира бўлса, сирка унга ипакдек ёрқинликни қайтаради. Шунингдек, сочларнинг юзасида микро ёриқларга ёпишиб қоладиган, шу билан уни оғирлаштирадиган мусс ва пенка қолдиқларини олиб ташлайди ва толаларнинг сиртини текислайди.
Тозаликни таъминлайди
Стилистлар вақти-вақти билан чуқур тозаловчи шампунлардан фойдаланишни маслаҳат беради ва аслида улар тўғри: кундалик шампунлар барча кирларни тўлиқ ювиб ташламайди. Айниқса шаҳарда яшайдиганларда сочлар ҳар куни чанг ва тутунни ўзига сингдиради. Сочни ювгандан кейин сиркадан фойдаланиш тозалик билан тўлиқ таъминлайди. Ушбу ҳолда сиркада шунчаки чайиш эмас, балки шампунь сифатида фойдаланиб, бош терисини массаж қилиш тавсия этилади.
Тараш қулайлашади
Ҳеч қандай кондиционер ёки бальзам сочни сирка каби енгил ва осон тарашга имкон бермайди. Буни кўпроқ жингалак соч эгалари яхши билади.
Соч учун сиркадан қандай фойдаланиш мумкин?
Оддий шампунь ёрдамида сочлар одатдагидек ювилади. Сўнгра сув остида яхшилаб ювиб ташланади. Сочлари олдинга силкитилиб, бошнинг тепасига сирка қуйилади, шунда у сочлар илдизидан учигача имкон қадар бир текисда тақсимланади. Тахминан ўртача узунликдаги сочлар учун тахминан бир чашка сирка керак бўлади. Сирка билан ювилган сочларни шундай қолдириш ёки совуқ сув билан ювиш мумкин. Агар соч фен билан эмас, балки табиий йўл билан қуритилса, таъсир кучи янада сезиларли бўлади.
Изоҳ (0)