Шампунь танлаш осон иш эмас, ҳатто сочлар қайси турга кириши маълум бўлса ҳам. Бундан ташқари, жавонлардаги ассортимент иккиланишни келтириб чиқаради: намлантирувчи, тикловчи, силлиқловчи ва ҳажм берувчи. Қайси бирини сотиб олиш керак? Кўпинча танлов нотўғри бўлади. «Новий очаг» нашри мутахассис ёрдамида шампунь танлашда қўл қўйиладиган хатолар ҳақида тўхталиб ўтди.
Сийрак сочлар қалин кўриниши учун ҳажм берувчи шампунь сотиб олиш тавсия этилади
Кўп аёллар бундай шампунни танлашда қуйидаги хатоларга йўл қўяди:
- фақат ҳажм учун кондиционерсиз шампунь сотиб олиш;
- маҳсулотни сийрак ва ранги ўчган сочларга қўллаш;
- қуруқ сочлар ва қуруқ бош терисига қўллаш.
Афсуски, ҳажм берувчи шампунь ҳамма сочлар учун мос эмас. У фақат соғлом рангли ёки табиий сочлар учун тавсия қилинади. Нозик, мўрт ва оқарган сочлар учун бундай маҳсулотларни сотиб олиш бефойда. Ҳақиқат шундаки, ҳажм берувчи шампунлар тери ва сочнинг тузилишини қуритади ва агар улар аллақачон шикастланган бўлса, бошқа жиддий муаммолар юзага келади.
Соч текисловчи шампунь иш беришига ишончингиз комилми?
Кўпчилик «текисловчи» деб ёзилган шампунни сотиб олади ва у сочларни тўғрилайди, деб ўйлайди. Аслида, ҳеч нарса содир бўлмайди. Ушбу маҳсулотлар фақат узун ва текис силлиқ сочлар учун яратилган — шампунь шунчаки сочнинг юмшоқлигини йўқ қилади, ёрқинлик ва жило қўшади. Айтганча, кўпинча бу маҳсулотлар гидролизланган кератинни ўз ичига олади, бунинг натижасида сочлар қалинлашади. Агар соч сийрак масалан, жингалак бўлса, унда шампунь тозалашдан бошқа натижани кўрсатмайди.
Соч бўяшдан кейин намлантирувчи шампундан фойдаланмаслик
Намлантирувчи шампунь бўялган, рангини ёрқинлаштирган, кимёвий текислашдан кейинги ҳар қандай сочга мос келади. Гап шундаки, соч толасига кимёвий таъсир қилгандан сўнг жуда кўп сувни йўқотади. Шунинг учун сочга жуда кўп намлантирувчи моддалар керак бўлади.
Аралаш турдаги сочлар учун қуруқ шампундан фойдаланиш
Сочлар учи гуллаб, илдизлари ёғланадими? Бу каби аралаш турдаги сочларни қуруқ сочлар учун мўлжалланган шампунь билан ювишади. Бу, албатта, катта хато. У қуруқ ва сийрак сочларнинг учлари ва узунлиги бўйлаб мос келади, лекин агар бош териси ёғли бўлса, у ҳолда маҳсулот ёғ ишлаб чиқаришни оширади, бу эса бош терисининг ҳаддан ташқари ёғланишига олиб келади. Бошқача қилиб айтганда, фақат вазият ёмонлашади.
Оддий сочлар учун ҳам ёғли сочларга мўлжалланган шампунлардан фойдаланиш
Бундай шампунлар фақат ёғли бош териси учун мўлжалланган ва ортиқча ёғ ишлаб чиқаришни камайтиради. Қоида тариқасида, агар одамда ёғ безлари фаолияти бузилган бўлса, унда трихологик шампунни танлаш тавсия этилади. Агар муаммо косметик бўлса ва рацион, лактация, гормонал ўзгаришлар натижасида ёғ безларининг бузилиши кузатилса, унда ёғли сочлар учун маҳсулотлар бу муаммони осонгина ҳал қилади.
Қазғоқ бўлмаса ҳам унга қарши шампундан фойдаланиш
Ҳеч қандай ҳолатда қазғоққа қарши маҳсулотдан фойдаланмаслик керак, ҳатто профилактика мақсадида ҳам. Гап шундаки, қазғоқ билан боғлиқ муаммоларни ҳал қилиш учун воситалар қуруқ терига, дерматитга ва сочларнинг тузилишини ҳаддан ташқари қуритишга олиб келиши мумкин.
Сочлар соғлом бўлса-да, тикловчи шампундан фойдаланиш
Соч кимёвий жараён натижасида шикастланганда тикловчи шампундан фойдаланиш мумкин. Уларни соғлом сочларга қўллаш шунчаки бефойда, чунки бундай маҳсулотлар толаларнинг оғирлигига ва синишига олиб келади. Сочлар шунчаки ҳажмини йўқотади — узунлигида ҳам, илдизида ҳам. Чунки барча тикловчи шампунлар соч тузилишига фаол моддалар билан қўшиш ва тўлдириш тамойили асосида ишлайди.
Узоқ вақт давомида бўялмаган бўлса-да, рангли сочлар учун мўлжалланган шампундан фойдаланиш
Агар бўялган сочларга мўлжалланган шампунни табиий сочларга ишлатилса, ҳеч қандай зарар бермайди, аммо ҳеч қандай таъсир ҳам бўлмайди. Маҳсулот рангли сочлар учун махсус мўлжалланган, чунки улар сунъий пигментни ушлаб туриш учун микроплёнкага муҳтож. Рангни ҳимоя қилиш микроламинация бўлиб, ҳар бир соч пигментни сақлайдиган ёғлар ва полимерлар туфайли нафас оладиган плёнка билан қопланади.
Изоҳ (0)