«Қурилиш: Усмон» сериалининг суратга олиш гуруҳи аъзоларини ҳақоратлаган актёр Бурак Ўзчивитга суд ҳукми ўқилди

«Қурилиш: Усмон» сериалининг суратга олиш гуруҳи аъзоларини омма олдида ҳақорат қилишда айбланган Бурак Ўзчивитнинг иши билан билан боғлиқ суд жараёни бир йилдан ортиқ давом этди, деб ёзади «Яндекс Дзен».

Воқеа 2020 йил 8 декабрь куни содир бўлган. Актёр суратга олиш гуруҳи аъзоларини куракда турмайдиган сўзлар билан ҳақорат қилганликда айбланган. Шундан сўнг гуруҳ аъзолари актёр устидан судга шикоят қилган. Ўз навбатида Бурак Ўзчивит ҳам терговчиларга бундай ҳодиса бўлмаганини маълум қилган.

Ушбу иш суд ярашуви тўғрисидаги қонун ҳужжатларига тегишли бўлгани сабабли дастлаб Ярашув бюросида кўриб чиқилган, бироқ томонлар келиша олмаган. Томонлар келишувга эриша олмаганини инобатга олиб, прокуратура ишни судга олиб чиқиш керак, деб ҳисоблаган. Натижада прокуратура айбланувчига 3 ой 15 кундан 4 йил-у 1 ойгача муддатда қамоқ жазосини талаб қилган.

Суд иши якунланди. Унга кўра суд айбланувчи Бурак Ўзчивитни 3000 лиралик жаримага ҳукм қилди. Суд айбланувчининг бошқа жиноят содир этмагани ва бу унинг биринчи иши экани ҳақидаги хулосага келиб, ҳукм ижросини кейинга қолдиришга қарор қилди. Шундай қилиб, айбланувчига жаримани тўлашга ҳам ҳожат қолмади.

Аслида ишчилар ўз вазифаларини нотўғри бажараётгани ва каскадёрлар билан тез-тез тортишиб қолиши актёрнинг нохуш ҳодиса айбдорига айланиб қолишига сабаб бўлган. Маълум бўлишича, ишчилар актёр фойдаланаётган отнинг эгарини яхши маҳкамламаган ва пойга вақтида Бурак отдан йиқилиб тушишига бир бахя қолган. Судьянинг қарорига кўра, ғазаб устида айтилган сўзлар нотўғри бўлса-да, тўлиқ асосли деб топилган.

«Қурилиш: Усмон» сериалида узоқ давом этган суратга тушиш ишлари ва суд жараёни якунланганидан сўнг Бурак Ўзчивит оиласи билан тинч-осойишта дам олиши мумкин.

Эслатиб ўтамиз, унинг рафиқаси Фаҳрие Эвжен ҳам «Алпарслон» лойиҳасининг биринчи мавсумида суратга тушиш ишларини якунлаган ва иккинчи фарзандига ҳомиладорлиги учун ижодий фаолиятидан танаффус қилишга қарор қилган. Юлдузли жуфтлик Фарҳие Эвжен ва Бурак Ўзчивит 2017 йилда турмуш қурган, уларнинг биринчи фарзанди Каран 2019 йилда дунёга келган. Эндиликда иккинчи марта ота-она бўлишини маълум қилган жуфтлик ижоддан бироз дам олишга қарор қилди.

Шунингдек, оилавий яхта саёҳатидан олинган суратларни ўз саҳифасида баҳам кўрган Бурак Ўзчивит шамол таъсирида ўзининг ғайриоддий соч турмаги билан кун мавзусига айланди.

Унинг рафиқаси Фаҳрие Эвжен Бурак ҳақидаги ҳазилларга нисбатан жим туролмади, уни ижтимоий тармоқларда муҳокама қилинган болакай сурати билан таққослади.

Айни дамда жуфтликнинг Бодрумдаги оилавий дам олиш давом этмоқда.