Голливуднинг машҳур хонанда ҳамда актрисаси Женнифер Лопес ва Бен Аффлек турмуш қурди. Тўй Лас-Вегасдаги кичик ибодатхонада камтарона муҳитда бўлиб ўтди, деб ёзади «Правила жизни».
«Биз уддаладик. Муҳаббат гўзал. Севги бетакрор. Шунингдек, сабр-тоқатли ҳам. Оз эмас, нақд йигирма йиллик сабр! Кеча биз Лас-Вегасга учиб кетдик, худди биз каби дунёнинг тўй пойтахтига отланган яна тўрт нафар жуфтлик билан рўйхатдан ўтиш учун навбатда турдик», — дея бўлишган қўшиқчи.
Маросим давомида эндиликда турмуш ўртоғининг фамилиясини олган Лопес иккита либосда намоён бўлди. Никоҳдан ўтиш пайтида у илгари фильмда суратга тушиш учун кийган оқ рангли винтаж либосда келди. Иккинчи образда дизайнер Зуҳаир Муроднинг коллекциясига мансуб тўрли либос — елкалари очиқ, узун енгли кўйлак ҳамда фата билан кечанинг маликасига айланди.
Мухлислар Лопеснинг либосини «Менга турмушга чиқ» (Маррй ме) фильмидаги қаҳрамонникига ўхшашлигини дарҳол пайқади: фильмда актриса концертда оломон ичидан чиққан йигит билан турмуш қурган қўшиқчи ролини ўйнаган.
Шунингдек, хонанда олтин юракча, Ж ва Б бош ҳарфлари чизилган маникюри билан биргаликда, яшил олмосли никоҳ узугини намойиш этди. Ушбу ноёб тош аллақачон жамоатчилик эътиборини тортган — экспертлар тошнинг ғайриоддий ранги туфайли унинг қийматини 5-7 миллион долларга баҳолаган.
Изоҳ (0)