Инстаблогер, вайнер Эрали Бойқобилов «Яшин ТВ» YouTube каналига берган интервьюсида оиласи, қаерлик экани, бўйининг узунлиги, ойига қанча даромад топиши, бизнеси, қўлида қанча инсон ишлаши, «Basri Baba» ресторани кимга тегишли экани ва аслида уни ким «кўтаргани» ҳақида гапирди.
Вайнер оиласи, қаерлик экани, бўйининг узунлиги ва ойига қанча даромад топиши ҳақида
«Оилада 6 кишимиз: дадам, онам, опам, акам, мен ва синглим. Опам турмушга чиққан. Акам 21 ёшдан ошди. Акамдан кейин мен вайн олиш билан шуғулланяпман. Аслида сурхондарёликман, Қизириқ деган жойда яшайман.
Аввал ойига 100 000 000 сўм топар эдим, ҳозир эса 200 000 000 сўм топаман. Кўп пулларимни кийимга сарфлайман, мақтаниш эмас, чунки менинг нарсаларим буюртма билан келади. Ўлчамимни топиш қийин, яқинда костюм-шим тиктирдим, унга 2000 доллар пул кетди.
Менинг қўлимда ишлайдиган инсонлар жуда кўп, ҳисобласам 70 га яқинлашади.
Бўйимнинг узунлиги 1 метр. Бўйим ҳақида ҳазил қилганларга умуман эътибор бермайман. Чунки катта-катта одамлардан ажралиб тураман. Ўзимни ёқтираман, бирор нарсага бўйим етмаса истасам олиб беришади» , — дейди инстаблогер.
Муниса Ризаева сабаб машҳурликка эришган Эрали Бойқобилов бизнеси, «Basri Baba» ресторани кимга тегишли экани ва аслида уни ким «кўтаргани» ҳақида
«Бизнесга келадиган бўлсак, ‘Basri Baba’ ресторанида шерикчиликда ишлайман. Яқинда ‘Basri Baba’нинг яна бир филлиали очилди, ундан қоладиган ҳамма фойда ўзимники. Ресторан меники, тожикистонлик вайнер Абдурозикники эмас.
Акам орқали Тошкентга келиб қолганимдан кейин, битта инсонни учратиб қолганман. У инсон менга учта савол берган, мен ўша саволига ота-онамни Ҳаж сафарига олиб бораман, Тошкентда уй-жой қиламан, бизнесим бўлади деганман. Шундан кейин бу инсон билан яқин бўлиб кетдик. Мени юлдузларнинг ортидан кўтарилган деб айтишгани хато, шу натижага эришишимга ўша инсон сабабчи, юлдузлар эмас. Бу устозим, продюсерим Шуҳрат ака» , — дейди Эрали интервьюсида.
Изоҳ (0)