Тошкент вилояти, Пискент туманидаги «Гулистон» дам олиш масканининг бино ва иншоотлари кимошди савдосига қўйилди. Лот маълумотлари «E-auksion» порталида эълон қилинган.
Лот аукционга Давлат активларини бошқариш агентлиги томонидан қўйилган.
Ер участкасининг умумий майдони — 16 гектар. Бинонинг майдони — 1 549 квадрат метр. Биноларда сув ва электр таъминоти мавжуд, газ ва канализация эса йўқ.
Аукционга қўйилган бино ва иншоотларнинг бошланғич баҳоси — 12,4 млрд сўм. Аризалар 8 август 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги 3 хонали уй МИБ томонидан 1,2 млрд сўмга аукционга қўйилгани ҳақида хабар берилганди.
Изоҳ (0)