Аёл организми кўплаб ажойиботларга эга. Ҳомиладорлик даврида нафақат ички, балки ташқи кўринишда ҳам бир қанча ўзгаришлар юз беради. Бундан ташқари, аёллар эркакларга қараганда кўпроқ мослашувчан бўлиб, турли жароҳатлардан кейин тезда тикланади. Албатта, машҳур аёллар ҳам бундан мустасно эмас. Улар суратга тушиш ишлари кўп бўлишига қарамай , 40 ёшдан кейин бўлса ҳам она бўлишга қарор қилган. AdMe нашри она бўлиш учун ҳеч қачон кеч эмаслигини исботлаган машҳур аёллар кетма-кетлигини тақдим этди.
Гвен Стефани — 44 ёш
2014 йилда Гвен Стефани ва унинг ўша пайтдаги турмуш ўртоғи британиялик мусиқачи Гевин Россдейл билан ўғил кўрган, унга Apolloн деб исм қўйган. Кейинчалик Стефани Apolloн у учун ҳақиқий мўъжиза эканини маълум қилган, чунки у она бўлганида 44 ёшда эди.
Жулианна Мур — 41 ёш
Жулианна Мурнинг қизи 2002 йилда, унинг 41 ёшида дунёга келган. Аммо Лив унинг биринчи фарзанди эмас, актриса 40 ёшга тўлмасидан олдин биринчи фарзанди — ўғли Калеб туғилган.
Кристи Бринкли — 44 ёш
Америкалик модель ва актрисанинг 3 нафар фарзанди бор, улар орасида Сейлор Ли исмли қизи Кристининг 44 ёшида, 1998 йилда дунёга келган.
Брук Шилдс — 40 ёш
Брук Шилдс ва унинг турмуш ўртоғи Крис Хенчи 2006 йилда, актриса 40 ёшга тўлганида Гриер исмли қизнинг ота-онасига айланди.
Салма Хаек — 41 ёш
2007 йилда актриса француз бизнесмени Француа-Анри Пино билан унаштирилди. Салма 2007 йил 21-сентябрда 41 ёшида Валентина Палома Пино исмли қизини дунёга келтирди. Икки йил ўтгач, 2009 йилда Салма ва Француа Парижда турмуш қурди.
Рейчел Зоуи — 42 ёш
Машҳур дизайнер ўз интервьюсида 39 ёшида биринчи ўғли Скайлерни дунёга келтирганини айтиб ўтган. Аммо туғилгандан кейин фарзандига нисбатан янада меҳри жўшиб кетган. 2013 йилда, 42 ёшида, Зоуи иккинчи фарзандини кутаётганини эълон қилди — ўғлига Каюс деб исм қўйди.
Селин Дион — 42 ёш
Селин Дионнинг биринчи ўғли Рене-Шарл Анжелил 2001 йилда сунъий уруғлантириш натижасида дунёга келган. Кейинчалик, 2009 йилда у эгизакларга ҳомиладор эканини маълум қилди. 2010 йил 23-октябрда 42 ёшда бўлган қўшиқчи Эдди ва Нелсон исмли эгизакларни дунёга келтирди.
Ума Турман — 42 ёш
Ума Турман икки марта турмушга чиққан, иккинчи турмушидан 2 нафар фарзанди бор. 2007 йилда у француз молиячиси Арпад Буссон билан учрашишни бошлади ва 2008 йил июнь ойида улар турмуш қурганини эълон қилди. Бироқ, кейинчалик улар ажрашди. Умманинг учинчи қизи 2012 йил июль, онаси 42 ёшга тўлганида туғилган.
Алисса Милано — 41 ёш
Мафтункор юлдуз Алисса Милано ва унинг турмуш ўртоғи Дэвид Буглиарининг қизи Элизабелла дунёга келганда она 41 ёшда эди. Актриса фарзанд кутишни ёқимли ва бунга арзийди, деб билади.
Хелли Берри — 47 ёш
Актрисанинг тўнғич қизи Нала у 41 ёшдалигида туғилган. Бир неча йил ўтгач, у ўғли Макеони дунёга келтирди. Ўша пайтда Хелли 47 ёшда эди. У 50 ёшга етмай ҳомиладор бўлиш ҳақда хабар топганида ҳайратда қолганди. Аммо унинг ўзи ҳам бунинг уддасидан чиқди.
Изоҳ (0)