Ранг, маза, ёғ миқдори — пулни беҳуда сарфламаслик учун севимли ёзги десертни сотиб олаётганда яна нималарга эътибор бериш керак? «Lisa.ru» нашри сифатли музқаймоқнинг 7 та белгиси билан таништириб ўтди.
Ёзни музқаймоқсиз ўтказиш мумкинми? Ушбу ширинликни нафақат иссиқ ҳавода, балки салқин мавсумда ҳам севиб истеъмол қиладиганлар талайгина. Бугунги кунда музқаймоқнинг жуда кўп турлари мавжуд. Танага минимал зарар етказадиган мазали музқамоқни қандай танлаш керак? Эътибор бериш керак бўлган бир нечта белгилар мавжуд.
Ёғ миқдори
Келинг, гапни парҳезбоп музқаймоқ мавжуд эмаслигидан бошлайлик. Ушбу десертнинг асосий таркибий қисмини сут, қаймоқ, сариёғ ташкил қилади. Аммо табиий музқаймоқларнинг ҳар хил турлари ёғ миқдори даражасига қараб фарқ қилади.
- 7,5 фоизгача ёғ — сутли музқаймоқ;
- 8 дан 11,5 фоизгача — қаймоқли музқаймоқ;
- 12 дан 20 фоизгача — пломбир.
GOST
Бу ишлаб чиқарувчининг қадоқда кўрсатиши керак бўлган жуда муҳим омил. Агар музқаймоқ ишлаб чиқаришда GOST бўлса, унда палма ёғи каби баъзи ўринбосарлар мавжудлигидан хавотир олишнинг кераги йўқ. Дарҳақиқат, классик музқаймоқларда — қаймоқли, сутли, пломбирда ўсимлик ёғларини ишлатиш қатъиян ман этилади. GOST талабларига амалда жавоб берадиганлар бу ҳақда қадоқда маълум қилиши керак.
Стабилизаторлар
Музқаймоқда ҳеч қандай қўшимчалар, хусусан, стабилизаторлар бўлмайди. Улар стандарт рецептга киритилган, оқсилни йўқолиб кетишдан ҳимоя қилади, музқаймоқнинг мустаҳкамлигини яхшилайди ва уни узоқ вақт давомида сақлашга имкон беради. Шунинг учун, ёрлиқдаги узун рўйхатидан қўрқманг. Уларнинг аксарияти табиий моддалардир:
- карагенан (E407) — қизил денгиз ўтларини қайта ишлаш маҳсулоти, табиий желатин;
- гуар сақич (E412) — бу қуюқлаштирувчи гуар ловия ёки ҳинд акациясидан тайёрланади:
- кароб ловия сақич (E410) — кароб ловиясидан тайёрланади ва музлатилганида муз кристалларининг шаклланишини секинлаштиради.
Сотиб олаётганда, иложи бўлса, музқаймоқ рангига эътибор беринг. Масса бир хил рангда бўлиши керак. Музқаймоқ қанча сариқ бўлса, шунчалик ёғли бўлади. Баъзи турдаги ширинликларга озиқ-овқат бўёқлари қўшилади. Кўпинча бу бўёқлар табиий усулда тайёрланади.
- E100 — зарчавали бўёқ. Пазандачиликда ҳам, шарқ табобатида ҳам кенг қўлланиладиган хавфсиз қўшимча;
- E150 — шакар ранги ёки карамел. Сариқ-жигарранг ранг беради;
- E160а — каротин. Кўп сабзавотларда мавжуд, А витамини манбаи.
- E102 — тартразин. Баъзи ҳолларда гиперактивликни келтириб чиқаради;
- E122 — азорубин. Қизил ранг берувчи бўёқ. Диққат ва концентрацияга салбий таъсир кўрсатиши мумкин;
- E142 — яшил синтетик бўёқ. Бу кўмир смоласидан олинган натрий тузи. Аллергияга олиб келиши мумкин.
Музқаймоқ кўпинча шоколадли глазур билан тайёрланади. Бунга ҳам эътибор қаратиш лозим. Шоколад жуда майдаланиб кетмаслиги керак. Ёпишқоқлик ҳам технология ёки сақлаш қоидаларининг бузилишининг кўрсаткичидир. Агар унинг юзасида оқ доналар ёки қуйқалар бўлса, унда музқаймоқ нотўғри сақланган ва муздан эриб тушиши мумкин.
Ташқи кўриниш
Ишлаб чиқариш усулига кўра икки хил музқаймоқ мавжуд — қаттиқ ва юмшоқ. Иккинчисининг сақлаш муддати жуда қисқа ва шунинг учун оддий дўконларда доим ҳам сотилмайди. Кўпинча қаттиқ маҳсулотни сотиб олиш мумкин, у 18 даражагача бўлган ҳароратда музлатилади ва ушбу ҳолатда у харидорга топширилиши керак. Агар музқаймоқ деформацияланган ҳолда сотувга чиқса, демак у ташиш пайтида эриган бўлиши мумкин. Қайта-қайта музлатиш эса маҳсулот сифатини бузади, қолаверса, таъми ёмонлашади.
Таъми
Бу мезон, албатта, энг асосийси ҳисобланади. Агар у пломбир ёки қаймоқли музқаймоқ бўлса, қўшимча лаззат ва ҳидларсиз бўлиши керак. Агар музқаймоқ музлатгичдан олинганда, унинг бир қисми осонгина синса, маҳсулот қаттиқ, зич, юқори сифатли ва эритилмаган ҳисобланади.
Изоҳ (0)