Хоразм вилоятида жойлашган «Урганч шароб»нинг 53,94 фоиз давлат улуши сотилди. Бу ҳақда UzAssets инвестиция компаниясининг матбуот хизмати хабар берди.
Корхонанинг умумий ер майдони — 6,58 гектар. У «Паркент» ва «Чалиш» вино пунктларини ўз ичига олади.
Шунингдек, юқори сифатли вино ишлаб чиқариш учун 149,3 гектар узумзорга эга.
Жамият томонидан 52 турдаги тайёр ароқ, 14 турдаги тайёр вино ва икки турдаги коняк маҳсулотлари ишлаб чиқарилади.
Корхонанинг давлат улуши Урганч шаҳрида жойлашган «Жайҳун Улгурги» томонидан 11,5 млрд сўмга сотиб олинган.
«Жайҳун Улгуржи» 2020 йил июнь ойида ташкил этилган бўлиб, спиртли ичимликлар улгуржи савдоси билан шуғулланади. Компаниянинг ягона таъсисчиси — Содиқов Бахром Ғанижонович.
Аввалроқ аукционга қўйилган ер бошланғич нархидан 200 баробар қимматга сотилгани ҳақида хабар берилганди.
Изоҳ (0)