30 йил давомида Apple’нинг деярли барча дизайнларини ишлаб чиққан одам компанияни тарк этди

Apple ва дизайнер Жони Айв ўртасидаги шартномаси икки томонлама бекор қилинди. Бу ҳақда The New York Times хабар бермоқда. 

Нуфузли дизайн раҳбари Жони Айв 2019 йилда компанияни тарк этганида, бош ижрочи директор Тим Кук мижозларни дунёга ширин рангли компьютерлар совға қилган жаноб Айв компания билан кўп йиллар ҳамкорлик қилишига ишонтирган эди.

iPhone ишлаб чиқарувчиси ва Жони Айв ўртасида тузилган шартнома иккала томон розилигига кўра тугатилди. 

Дизайнер компанияда 30 йилдан бери фаолият олиб бораётган эди. Сўнгги йилларда у Apple Watch дизайни билан шуғулланган. 

2019 йилда жаноб Айв ўзининг LoveFrom дизайн фирмасини очиш учун Apple’ни тарк этганида Apple компанияси у билан қиймати 100 млн доллардан ортиқ бўлган кўп йиллик шартнома имзолаган эди. 

Айтилишича, келишув Жони Айвни Apple рақобатбардош деб топган ишни бажаришини чеклаб қўйган. 

Сўнгги ҳафталарда шартнома янгиланиши кутилаётганлиги сабабли томонлар уни узайтирмасликка келишиб олди. 

Apple компаниясининг баъзи раҳбарлари компаниянинг бир неча дизайнерлари жаноб Айвнинг фирмасига қўшилиш учун ишдан кетганидан кейин ҳафсаласи пир бўлган. 

2019 йил июнь ойида Apple’ни тарк этишдан олдин жаноб Айв компания билан яхши муносабатда бўлмаган.

Айв билан яқиндан ҳамкорлик қилган ўндан ортиқ одамнинг фикрича, Apple’нинг айни вақтдаги раҳбари Тим Кук тобора дизайндан кўра операцияларга кўпроқ эътибор қарата бошлаган. 

Жони Айв 1992 йилда Apple’га ишга кирган ва дизайн жамоасини бошқаришгача кўтарилган. 

1997 йилда Стив Жобс жаноб Айвнинг жамоасига iMac дизайнини топширганида компания банкротлик ёқасида эди.

Лампочкали, шаффоф компьютер ўша пайтда тарихдаги энг тез сотилган иш столига айланди. Бу Apple бизнесини тиклади ва жаноб Айвни Стив Жобснинг энг яқин ҳамкорига айлантирди.

У шунчаки дизайнер эмас. Айв мендан ташқари Apple’даги ҳаммадан кўра кўпроқ операцион кучга эга, — деган эди Стив Жобс.

2011 йилда Жобс саратон касаллигидан вафот этганидан сўнг, Жони Айв Apple Watch’нинг ривожланишига бошчилик қилди.

Маълум бўлишича, Apple Watch’ни ишлаб чиқариш учун зарур бўлган консенсусни яратишдан чарчаган дизайнер 2015 йилдаёқ компаниядан кетмоқчи бўлган.