Самарқанд вилояти Жомбой туманида юк машинаси бузилиб қолган Damas’ини итариб кетаётган ҳайдовчини уриб кетди. Бу ҳақда «Замон» хабар қилди.
Қайд этилишича, йўл-транспорт ҳодисаси Жомбой тумани «Деҳқонобод» маҳалласи ҳудудидан ўтувчи М-39 Олмаота—Тошкент—Термиз автомобиль йўлининг 1072-километрида содир бўлган. Damas ҳайдовчиси транспорт воситасининг ёнилғиси тугаб қолгани боис катта йўлда итариб кетаётган пайтида орқа томондан ҳаракатланиб келаётган юк машинаси уриб юборган.
ЙТҲ оқибатида ҳайдовчи олган тан жароҳатлари туфайли воқеа жойида вафот этган. Юк машинаси ҳайдовчиси эса воқеа жойидан қочиб кетган.
Олиб борилган суриштирув ишлари натижасида у топилган. Ҳолат юзасидан Жиноят кодексининг 266-моддаси 2-қисми билан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ (0)