12 июль куни Херсон вилоятининг Нова Каховка шаҳрида (Россия қўшинлари назорати остида) Украина ҳарбийларининг тунги зарбасидан кейин портлаш давом этди — Украина томони шаҳардаги ўқ-дорилар омборига зарба берганини даъво қилмоқда, Россия томонининг таъкидлашича, нишон селитра омбори бўлган. Оқибатда шаҳарнинг беш нафар фуқароси ҳалок бўлди, 80 нафари яраланди, деб хабар беради «РИА Новости». Донбасс шимолида ЛХР аскарларининг дафн маросимлари ва тинч аҳолининг вайрон қилинган уйларига гувоҳ бўлиш мумкин. 13 июлга ўтар Николаевда йигирмага яқин портлаш овози эшитилган. Meduza урушнинг 139-кунидан асосий суратларини эълон қилди.
Донбасс шимоли
Россия ҳарбий самолётлари Северодонецк устида учмоқда. Донбасс шимолидаги ушбу шаҳар учун шиддатли жанглар бўлди. Украина кучлари июнь ойи охирида чекинди.Фото: AFP
Славянск яқинида бувисининг уйидаги ёнғинни ўчираётган эркак. Уй тунги авиазарбадан кейин ёниб кетган. Славянск йўналишида Россия ҳаво ҳужумларини давом эттирмоқда, деб хабар қилмоқда Украина Қуролли кучлари Бош штаби.Фото: AFP
Лисичанск аҳолиси қўлга олинган Украина танклари ва бошқа қуроллар кўргазмаси ёнида гуманитар ёрдам олмоқда. Ҳозир шаҳар ЛХР назорати остида.Фото: AP Photo
Луганскда ЛХР армиясининг 58 нафар номаълум аскари дафн қилинмоқда. ЛХР вакилларига кўра, 12 июнь куни Украина Америкада ишлаб чиқарилган HIMARS баравар ўт очувчи реактив тизимларидан шаҳарга тўққизта ракета учирган.Фото: Reuters
Николаев яқинидаги Шевченково қишлоғининг ўққа тутилишидан кейин турар жой биносида ёнғин чиқди. Украина Қуролли кучлари Бош штаби маълумотларига кўра, Россия Украина Қуролли кучларининг қайта гуруҳланишига йўл қўймаслик учун ушбу йўналишни артиллериядан ўққа тутган.Фото: EPA
Николаев яқинидаги бино деворига урилган ракета. 12 июль куни шаҳар қаттиқ талафот кўрди: шифохоналар ва турар жой биноларига зарар етди. BBC маълумотларига кўра, бир нечта ракета ва кассетали ўқ-дорилар ишлатилган. Украина расмийлари 12 киши яраланганини маълум қилди.Фото: EPA
Николаев яқинида Украина аскарлари машинада кетмоқда. Уфқ томонда — отишмадан кўтарилган тутун.Фото: EPA
Харьков
Харьков яқинидаги фронт чизиғида Украинанинг «Хартия» батальони аскарлари. Украина Қуролли Кучлари Бош штабининг хабар беришича, бу минтақада «асосий ҳаракатлар мудофаага қаратилган».Фото: AP Photo
Украина ҳарбийлари Харьков яқинидаги фронтда патруллик қилмоқда. 12 июль куни рус қўшинлари Харьковнинг турар жойларини яна ўққа тутди. Қурбонлар йўқ.Фото: AP Photo
Харьков яқинида «Хартия» батальони аскарлари фронт чизиғидаги бошпанада.Фото: AP Photo
Херсон вилояти
Украина томонидан ўққа тутилган Нова Каховкадаги бино узра кўтарилган тутун. Шаҳар ҳозир рус қўшинлари томонидан назорат қилинмоқда. «ТАСС» ва «РИА Новости» агентлигининг россиялик ҳарбийлар томонидан тайинланган шаҳар маъмуриятидаги манбалари селитралар омборида портлаш содир бўлганини маълум қилди. Украина томони эса ўққа тутилган нишон ўқ-дорилар омбори бўлганини даъво қилмоқда.Фото: «ТАСС»
Нова Каховкадаги ярадор киши. Отишмада 80 киши жароҳатланган, беш киши ҳалок бўлган, етти киши бедарак йўқолган. Бу ҳақда Херсон вилоятининг россияпараст «раҳбари ўринбосари»га таяниб, «РИА Новости» хабар бермоқда.Фото: «ТАСС»
Нова Каховкадаги синган дераза ёнида турган аёл. Тунда шаҳар ўққа тутилганидан кейин портлашлар эрталаб ҳам давом этди.Фото: «ТАСС»
Нова Каховкадаги уйнинг зинапоясида ётган болалар. «ТАСС» ва «РИА-Новости» манбаларининг хабар беришича, шаҳарда Украина Қуролли кучларининг ҳужуми оқибатида бозор, шифохона ва турар жой бинолари зарар кўрган.Фото: «ТАСС»
Изоҳ (0)