Макияж мутахассислари бактериал муҳитни ривожланишига йўл қўймаслик учун ҳар фойдаланишдан кейин спонжни тозалашни тавсия қилади. Бироқ косметик доғларни йўқотиш учун ҳар доим ҳам вақт йўқ, шунинг учун зукко тиктокерлар муаммони 5 дақиқадан камроқ вақт ичида ҳал қиладиган ажойиб гўзаллик найрангини ўйлаб топди.
Ушбу ишни қилиш учун сизга тозаланмаган спонж, кам миқдорда тозаловчи (гўзаллик блендерлари учун махсус тозалаш гели ёки оддий идишларни ювиш воситаси), катта идиш ва микротўлқинли печ керак бўлади.
- идишга сув қуйинг, тозалаш гели ёки оддий идиш ювиш воситасини қўшинг, эритмани яхшилаб аралаштиринг
- спонжни идишга ботириб, совунли сув билан яхшилаб намланг. Уни яна ўша идишга солинг
- кейин спонж солинган идишни микротўлқинли печга 2 дақиқага қўйинг
- идишдан уни эҳтиёткорлик билан олинг. Лекин спонжни дарҳол иссиқ сувдан олманг, совушини кутинг
- идишдаги сув совиганда, уни олинг ва доғлар тўлиқ йўқолгунча спонжни тозалагич билан қайта ювинг
Мавзуга доир:
Изоҳ (0)