Июнь ойида Россиядан Ҳиндистонга нефть импорти рекорд даражага етди

Ҳиндистоннинг нефть импортидаги Россия улуши умумий импортнинг деярли бешдан бир қисмини ташкил этди. Бу ҳақда Reuters хабар бермоқда.

Июнь ойида Ҳиндистонга рекорд даражадаги етказиб бериш кунига тахминан 950 минг баррель атрофида бўлди. Россия Ҳиндистонга Ироқдан кейин иккинчи йирик етказиб берувчи ҳисобланади.

Агентлик маълумотларига кўра, Россиянинг Ҳиндистон умумий нефть импортидаги улуши май ойидаги 16,4 фоиздан июнь ойида 19,8 фоизга ошган. 

Июнь ойида Россиядан нефть импорти 15,5 фоизга ошди. Саудия Арабистони Ҳиндистонга Ироқ ва Россиядан кейин учинчи йирик нефть етказиб берувчи ҳисобланади.

Апрель ойида Reuters Ҳиндистоннинг бир қатор нефтни қайта ишлаш заводлари Россиядан нефть импорт қилиш бўйича олти ойлик шартнома тузиш режалари ҳақида хабар берган эди. 

Ҳиндистоннинг Россиядан нефть импорти февраль ойидан бери ортиб бормоқда, чунки Осиёнинг учинчи йирик иқтисодиёти ва дунёдаги учинчи йирик нефть импортчиси Россия нефти учун йирик чегирмалар эга.

Аввалроқ Франция Россия газидан бутунлай воз кечишга тайёрланаётгани хабар берилган эди.