Европада табиий газ нархи март ойида ўрнатилган рекорди кўрсаткичдан анча паст. Бироқ Россия ва Украина ўртасидаги урушдан сўнг газ етказиб беришда узилишлар юзага келди.
Bloomberg нашри табиий газ инқирози кутилганидан ҳам ёмонроқ ўтаётганини хабар қилмоқда.
Уруш бошланганда газ бозори қисқа муддатли, эҳтимол бир неча ой давом этган инқироз шароитида баҳоланган эди. Энди эса танқислик 2024 йилгача давом этиши хавфи бор.
Сўнгги бир неча кун ичида бутун Европа газ нархи анча юқори даражада қайта шаклланди.
Буюк Британия уй хўжаликлари октябрь ойидан бошлаб газ ва электр тўловлари учун йилига 3 244 фунт стерлинг (3 886 доллар) тўлаши кутилмоқда. Бу ҳозирги 1,971 фунт стерлингдан қарийб 65 фоизга кўпдир.
Европанинг спот газ нархлари, Россиянинг «Шимолий оқим—1» қувури орқали Германияга етказиб беришни тўхтатгандан сўнг, тахминан 175 еврога кўтарилиб, бир ой ичида икки баравар ошди.
Шундай бўлса ҳам, спот газ нархи урушнинг дастлабки кунларида ўрнатилган 227 евролик рекорд даражадан 30 фоиз пастлигича қолмоқда. Нархлар хавотирли даражада юқори эмас.
Россия ва Европа Иттифоқи ўртасидаги энг муҳим газ тармоғи бўлмиш «Шимолий оқим—1» қувури ҳар йили 11 июлдан 21 июлгача таъмирдан ўтказилади.
Берлин Москва уни бутунлай ёпиб қўйиш учун баҳона топиб, Германияга газ етказиб беришни бутунлай тўхтатиб қўйишидан хавотирда.
Россия ўзининг узоқ муддатли таъсирини сақлаб қолиш учун газ оқимини ушлаб туриши мумкин. Бу эса мантиқий ҳисобланади.
Россия юк ташишни бутунлай тўхтатгандан сўнг, у Европага бошқа босим ўтказа олмайди.
Тактик нуқтаи назардан, Москва ўзи хоҳлаган вақтда оқимни тўхтатиш ёки секинлаштириш вариантини сақлаб қолган ҳолда, газнинг бир қисмини ҳаракатда ушлаб туриши мумкин.
Аввалроқ Франция Россия газидан бутунлай воз кечишга тайёрланаётгани ҳақида хабар берилган эди.
Изоҳ (0)