Олий ва ўрта махсус таълим вазирлиги академик лицейларга дастлабки саралаш имтиҳонларини ўтказиш графигини эълон қилди.
Унга кўра, лицейларда имтиҳонлар 13 июлдан 16 июлга қадар ҳар куни 2 сменада ўтказилади.
Абитуриентлар дастлабки саралаш имтиҳонига кириш рухсатномасини 12 июль куни соат 15:00 дан бошлаб litsey.edu.uz сайтидаги шахсий кабинети орқали юклаб олиши мумкин.
Шунингдек, имтиҳонларга кириш учун ушбу рухсатнома билан бирга абитуриентлар шахсини тасдиқловчи ҳужжатни (туғилганлик гувоҳномаси, паспорти ёки ID-картасини) ҳам олиб боришлари лозим.
Қорақалпоқ давлат университети ҳамда Нукус давлат педагогика институти тасарруфидаги академик лицейларга дастлабки саралаш имтиҳонларини ўтказишнинг аниқ муддатлари қўшимча равишда эълон қилинади.
Саралаш имтиҳонларини ўтказиш графиги билан қуйидаги ҳавола орқали танишиш мумкин.
Изоҳ (0)