Ҳар бир катта муваффақият ортида нафақат меҳнат, балки ўзига ишонч ҳам бўлиши керак. Машҳурлик йўлидаги қийинчиликларни енгиш ҳаётдаги энг муҳим инсонлар — ота-онангиз томонидан қўллаб-қувватланса, осонроқ бўлади. Қуйидаги машҳур ота-оналар ҳар доим ўз фарзандларининг ёнида бўлишган.
Женнифер Лопес
Бронксда туғилган пуэрто-риколик Женнифер Лопес карьерасининг бошида ўзини доим кераксиз одамдек ҳис қилган. У кичкина уйда яшарди, шоу-бизнесда ҳам тажрибаси йўқ эди — эҳтимол, онаси бўлмаганида ҳозиргидек машҳур бўлмаган бўларди.
«Онам мени мусиқий томошаларга олиб бориб, мусиқанинг барча турлари билан таништирарди. Онам қаттиққўл бўлгани учун мен шоу-бизнесда омон қолишга муваффақ бўлдим. У мени нимага тайёрлаётганини тушунмаган бўлса ҳам, лекин унинг талабчанлиги келажакда менга катта ёрдам берди», — дейди қўшиқчи.
Дуэйн Жонсон
Дуэйн Жонсоннинг отаси Рокки Жонсон жуда қаттиққўл ота бўлиб, умрини спортга бағишлаган эди. Бироқ унинг ўғлига бўлган меҳри Дуэйнни бугунги кундаги одамга айлантирди.
«Унинг мақтовини кутмай қолган куним мен эркак ва энг муҳими, ота бўлиш нимани англатишини англадим. Шу туфайли у менга берган меҳри учун отамга нисбатан миннатдорликни ҳис қилдим », — дейди актёр.
Селена Гомес
Болалигида Селена Гомес ота-онасининг ажрашишидан жуда қаттиқ ранжиган. Бу унинг онаси Менди Тифи билан муносабатларига таъсир қилади ва кўплаб можароларга сабаб бўлади. Бироқ Тифининг қизига берган меҳри ва қўллаб-қувватлаши бу алоқани бузишга имкон бермади.
«Онам мен учун ҳамма нарсадан воз кечди ва 3 та жойда ишлади. У мени қўллаб-қувватлади, мен учун ўз ҳаётини қурбон қилди», — деб ўртоқлашади Селена.
Кейт Хадсон
Бошқалардан фарқли ўлароқ, Курт Расселл Кейт Хадсоннинг биологик отаси эмас, ўгай отаси. Шунга қарамай Кейт доим ёнида бўлганлиги учун ундан миннатдор.
«Бу одам оилани биринчи ўринга қўйди. У ҳеч қачон мактаб спектаклини, футбол ёки хоккей ўйинини, рақс концертларини ўтказиб юбормади. У нима қилмасин, доим келарди. У мажбур бўлгани учун эмас, балки унинг учун Ер юзида унинг оиласи ёнидан муҳимроқ жой йўқлиги сабабли шундай қиларди», — деб ёзади актриса ижтимоий тармоқда.
Райан Гослинг
Маълум бўлишича, Голливуднинг келишган йигити Райан Гослинг мактабда унчалик намунали ўқувчи бўлмаган. У ўқитувчи ва ўқувчилар билан доимий жанжаллашган, шунинг учун 10 ёшидан бошлаб онаси уни уйда ўқита бошлайди.
Донна Гослинг ҳар доим ўғлини қўллаб-қувватлаган. «Онам ҳар бир ўқитувчи, ҳар бир директор, ҳар бир боланинг онаси билан курашди — у мен туғилганимданоқ мен учун курашди», — дейди актёр.
Изоҳ (0)