2022 йилнинг биринчи ярмида интернетда энг кўп муҳокама қилинган Болливуд юлдузлари (фото)

Ярим йилдан буён кўнгилочар Болливуд олами янгилик ва янгиланишларга бой бўлди. Bollywoodtime нашри сўнгги 6 ой ичида машҳурлардан айнан кимлар янгиликларда кўпроқ тилга олинганини маълум қилди.

Шоҳрух Хон

Болливуд қиролига ҳамиша янгиликлар сарлавҳасида бўлиш учун алоҳида сабаб керак эмас, чунки унинг мухлислари доимо актёр ҳақида хабарларни интизорлик билан кутади. Шоҳрух Хон 4 йиллик танаффусдан сўнг катта экранга қайтди. Унинг иштирокидаги «Dunki», «Javaan» ва «Pathaan»нинг трейлери аллақачон шов-шувга сабаб бўлди. Бунинг устига, Шоҳрух Хон 2022 йилнинг июнь ойида Болливуддаги фаолиятининг 30 йиллигини нишонлади.

Дипика Падуконе

2022 йил Дипика Канн кинофестивалида ҳакамлар ҳайъати аъзоси бўлгани учун нафақат Ҳиндистонда, балки бутун дунё бўйлаб янгиликлар сарлавҳасидан жой олди. Унинг либослари оммавий ахборот воситаларида кенг муҳокама қилинди. Иш жараёнида актриса иштирокидаги «Чуқур» (Gehraiyaan) фильми намойиш этилди, шунингдек, «Pathaan» ва «Fighter» лойиҳалари эълон қилинди.

Картик Арян

Картик унинг сўнгги фильми «Лабиринт» кассаларда яхши натижаларга эришишда давом этаётгани сабабли ҳамон янгиликларда қолмоқда. Фильм Ҳиндистонда рекордларни янгилашда давом этмоқда ва аллақачон глобал блокбастер деб эълон қилинган. Бундан ташқари, фильмнинг катта муваффақияти учун унинг продусери Бҳушан Кумар Картикка Ҳиндистоннинг биринчи McLaren автомобилини совға қилди.

Алия Бҳатт ва Ранбир Капур

Жуфтлик учун 2022 йил чинкамига янгиликларга бой бўлди. Аввал тўй, кейин уларнинг узоқ кутилган «Braxmastra» фильми трейлери ва йилнинг энг кутилган таронаси бўлмиш «Кесария» тақдимоти. Сўнгра Голливуддаги дебют ва ҳомиладорлик ҳақидаги хушхабар. Ушбу янгиликлардан сўнг жуфтликнинг мухлислари хурсанд бўлиши шубҳасиз.

Кажол

Болливуднинг энг маҳоратли актрисаларидан бири бу сафар фильм туфайли эмас, балки «Оскар» маросимида ҳакамлар ҳайъати аъзолигига таклиф қилингани учун сарлавҳалардан ўрин олди.