Бред Питтга инсонларнинг юзини эслолмаслик — прозопагнозия касаллиги ташхиси қўйилди. Актёр инсонларнинг ташқи кўринишини унутиб қўяётгани учун уйдан чиқмасликни тўғри деб билишини айтган.
«Ҳеч ким менга ишонмайди! Мен бошқа (шу касаллик билан оғриган одам) билан учрашмоқчиман», — дейди актёр. Ушбу касалликка чалинган одамлар ҳатто яқин қариндошларининг кўринишини, баъзи ҳолларда эса кўзгуда ўзининг аксини ҳам танимаслиги мумкин. Одамларни таниб олиш учун улар соч турмаги, юриши ёки парфюмерия ҳидини эслаб қолишга ҳаракат қилишади.
Бред Питт биринчи марта бу ҳақда 2013 йилда Esquire журналига берган интервьюсида гапирган. Актёрнинг сўзларига кўра, у билан учрашган инсонни эслаб қолишга ҳаракат қилган бўлса ҳам, бўлмаган, у барчасини унутиб юборган.
«Кўпчилик мендан нафратланади, чунки улар мени ҳурмат қилмайди деб ўйлашади. Қасам ичаманки, бир йил давомида одамлардан қаерда кўришганимизни сўрадим. Бироқ бу ҳолат янада ёмонлашди. Одамлар мендан хафа бўлди. Лекин вақти-вақти билан кимдир менга қаерда учрашганимизни айтиб берарди ва мен уларга эслатма учун раҳмат айтардим»,— деди актёр.
У гапларига қўшимча қилиб, «Сиз жуда кўп одамларни учратасиз. Кейин яна улар билан учрашасиз», — деган. Голливуд юлдузи шунинг учун ҳам уйда қолишини айтган.
Мавзуга доир:
- Таниқли Голливуд актёри Бред Питт кинодаги фаолиятини якунламоқда
- Голливуд юлдузи Бред Питт собиқ рафиқаси Женнифер Энистонга 79 миллион долларлик уй совға қилди
- Приянка Чопра текинга, Бред Питт бир чашка қаҳва учун — машҳур фильмлардаги роллари учун гонорар олмаган актёр ва актрисалар
- Полициячи Райан Рейнолдс, Бред Питт — ёлланма ишчи. Кутилмаган бахтли тасодиф туфайли машҳур бўлган Голливуд юлдузлари (фото)
Изоҳ (0)