Ўзбекистон ташқи ишлар вазири вазифасини бажарувчи Владимир Норов бошчилигидаги делегация 11—12 июль кунлари Россияда бўлади.
Ташқи ишлар вазирлиги матбуот хизматининг хабар беришича, ташриф доирасида Россия парламенти, ТИВ ва бошқа идораларда қатор учрашувлар ва музокаралар ўтказилиши режалаштирилган.
Шунингдек, дастурда россиялик экспертлар, ватандошлар, ўзбек диаспораси ва оммавий ахборот воситалари вакиллари иштирокида давра суҳбати уюштирилиши ҳам кўзда тутилган.
Эслатиб ўтамиз апрель ойи охирларида Владимир Норов Ўзбекистон ташқи ишлар вазирининг биринчи ўринбосари лавозимига тайинланганди. Унинг зиммасига Ўзбекистон ташқи ишлар вазири вазифасини бажариш юклатилган.
Шу вақт давомида Норов қатор учрашув ва музокаралар ўтказди. Россияга ташриф унинг Ўзбекистон ташқи ишлар вазири вазифасини барарувчи сифатидаги биринчи хорижий ташрифи бўлади.
Изоҳ (0)