Қашқадарё вилоятининг Косон туманидаги тўйхонада ёнғин чиққани ҳақидаги хабарлар тарқалганди. Вилоят ФВБ ҳолат юзасидан ўрганиш натижаларини эълон қилди.
Тармоқда тарқалган ёнғин видеосида ҳодиса 10 июль куни содир бўлгани айтилган. Қашқадарё вилояти ФВБ матбуот хизматининг маълум қилишича, ҳолат юзасидан Косон туман ФВБга ҳеч қандай мурожаат келиб тушмаган.
11 июль куни туман ФВБ ва туман газ идораси ходимлари томонидан воқеа жойига етиб борилиб вазият ўрганилганида ёнғин 9 июль куни туманнинг «Месит» МФЙ ҳудудида умумий овқатланиш масканида кабоб тайёрлаш учун мўлжалланган айвонда очиқ оловдан эҳтиётсизлик оқибатида келиб чиққани аниқланди.
Ёнғин масканнинг ишчилари томонидан ўчирилган, ҳеч ким тан жароҳати олмаган. Ҳодиса оқибатида айвонга туташ бўлган гўшт дўконининг том қисми бироз зарарланган.
Изоҳ (0)