Qashqadaryo viloyatining Koson tumanidagi to‘yxonada yong‘in chiqqani haqidagi xabarlar tarqalgandi. Viloyat FVB holat yuzasidan o‘rganish natijalarini e’lon qildi.
Tarmoqda tarqalgan yong‘in videosida hodisa 10-iyul kuni sodir bo‘lgani aytilgan. Qashqadaryo viloyati FVB matbuot xizmatining ma’lum qilishicha, holat yuzasidan Koson tuman FVBga hech qanday murojaat kelib tushmagan.
11-iyul kuni tuman FVB va tuman gaz idorasi xodimlari tomonidan voqea joyiga yetib borilib vaziyat o‘rganilganida yong‘in 9-iyul kuni tumanning “Mesit” MFY hududida umumiy ovqatlanish maskanida kabob tayyorlash uchun mo‘ljallangan ayvonda ochiq olovdan ehtiyotsizlik oqibatida kelib chiqqani aniqlandi.
Yong‘in maskanning ishchilari tomonidan o‘chirilgan, hech kim tan jarohati olmagan. Hodisa oqibatida ayvonga tutash bo‘lgan go‘sht do‘konining tom qismi biroz zararlangan.
Izoh (0)