Сирдарё вилоятининг Янгиер шаҳрида яшовчи фуқаронинг уйида ноқонуний равишда ўқ-дорилар сақланаётгани аниқланди.
Вилоят ИИБ матбуот хизматининг хабар беришича, Янгиер шаҳар ИИБ ЖҚБ ходимлари томонидан тезкор тадбир олиб борилиб, фуқаро Қ.Т. нинг (1988 йилда туғилган) ҳовлиси кўздан кечирилган. Текширув натижасида унинг молхонасида 10 дона ноқонуний ўқ-дорилар сақланаётгани аниқланиб, далилий ашё сифатида олинган.
Ҳозирда ушбу ҳолат юзасидан Янгиер шаҳар ИИБ ЖҚБ ходимлари томонидан терговга қадар текширув ва суриштирув ҳаракатлари олиб борилмоқда.
Изоҳ (0)