Фарғона вилоятининг Олтиариқ туманида икки кишининг ўлими билан якунланган ЙТҲ юз берди. Бу ҳақда «Менинг юртим» телеканалининг «Марказий студия» дастурида хабар қилинди.
Унга кўра, воқеа 7 июль куни соат 05:40 ларда туманнинг «Зафаробод» МФЙ ҳудудидан ўтган А 373 Тошкент—Ўш йўлида юз берган. Изуси юк машинасини ҳайдаб кетаётган фуқаро ухлаб қолиши оқибатида рул бошқарувини йўқотган ва йўл четида тўхтаб турган MAN юк машинаси туркамасига бориб урилган.
Оқибатда ҳайдовчи ва унинг ёнида бўлган йўловчи оғир тан жароҳатларидан вафот этган.
Изоҳ (0)