Пишлоқ ва помидор билан тўлдирилган қовоқчали таом рецепти

Пицца каби мазали ушбу таом сабзавотлардан тайёрланади. Уни классик пицца ингредиентлари билан, яъни пишлоқ, черри помидори, помидор қайласи ва зайтун билан бойитинг. Ушбу таомни таъбингизга қараб турли кўкатлар, сабзавотлар билан безатишингиз мумкин.

Керакли масаллиқлар:

• Қовоқча — 1 та;
• Тозаланган зайтун — таъбга кўра;
• Пишлоқ —  100 г;
• Помидор қайласи — 4 ош қошиқ;
• Черри помидори — 12-16 дона;

1. Қовоқчани узунлиги бўйлаб ярмидан бўлинг. Уларнинг ўртасини қошиқ билан ўйиб олинг.
2. Ҳар бир зайтун бўлагини 2-3 қисмга бўлиб майдаланг. Пишлоқни ҳам майдаланг.
3. Қовоқчага помидор қайласини суртинг ва устидан пишлоқ сепинг. Унинг ичини помидор ва зайтун билан тўлдириб, устидан яна пишлоқ сепинг.
4. Қайиқ шаклидаги қовоқчаларни 25 дақиқа 180 даражада пишириб олинг.

Мавзуга доир:

• Помидор ва пишлоқ қўшилган товуқли таом рецепти
• Мазаси оғзингизда қолади: сербча таом — чевапчичи тайёрлаймиз
• Тез ва осон: таом тайёрлашни ёқимли машғулотга айлантиришга ёрдам берадиган лайфхаклар
• Ичига қийма ва пишлоқ солиб пишириладиган помидорли таом рецепти