Сирдарё вилояти Янгиер шаҳар ҳокими Илёр Хўжаев бетоблик туфайли бевақт вафот этди. Бу ҳақда вилоят ҳокимлиги хабар қилди.
Қайд этилишича, Илёр Хўжаев 1977 йилда Сирдарё вилоятида туғилган. Миллати ўзбек. Маълумоти олий. 1999 йилда Тошкент давлат аграр университетини, 2009 йилда Президент ҳузуридаги Давлат ва жамият қурилиши академияси қошидаги Олий бизнес мактабини тамомлаган.
Гулистон шаҳар, Боёвут тумани Молия бўлими раҳбари, Гулистон шаҳар ҳокимининг биринчи ўринбосари каби турли лавозимларда фаолият юритган.
«Сирдарё вилояти ҳокимлиги жамоаси ўзининг эзгу сўз, эзгу амаллари билан халққа беминнат хизмат қилган Хўжаев Илёр Ахмад ўғлининг оила аъзолари ва барча яқинларига чуқур ҳамдардлик билдирган», — дейилади хабарда.
Изоҳ (0)