Шавкат Мирзиёев 8 июль куни Япониянинг собиқ бош вазири Синдзо Абэ суиқасд оқибатида бевақт вафот этгани муносабати билан Япония императори Нарухито ва бош вазири Фумио Кисидага ҳамдардлик йўллади. Бу ҳақда Президент матбуот котиби хабар қилди.
Қайд этилишича, таъзияномаларда жаноб Абенинг стратегик дастурлари ва инновацион ташаббуслари Япониянинг барқарор ривожланишига, мамлакатнинг халқаро муносабатлар ва жаҳон иқтисодиёти тизимидаги ролини янада кучайтиришга хизмат қилгани қайд этилган. Йирик давлат арбобининг Ўзбекистон ва Япония ўртасидаги кўп қиррали муносабатларни ривожлантириш, стратегик шериклик алоқаларини изчил ва самарали кенгайтириш борасидаги шахсий хизматлари доимо юқори қадрланиши таъкидланган.
Шунингдек, давлат раҳбари марҳумнинг рафиқаси ва барча яқинларига чуқур ҳамдардлик изҳор этган.
Изоҳ (0)