Украинанинг Донецк вилояти ҳарбий-фуқаролик маъмурияти раҳбари Павел Кириленко одамларни ҳаётни сақлаб қолиш ва шаҳарни рус қўшинларидан яхшироқ ҳимоя қилиш учун аҳолини эвакуация қилишга чақирди.
Бу ҳақда у 5 июль куни Украина қуролли кучлари минтақавий штаб-квартираси жойлашган Краматорскдаги матбуот анжуманида маълум қилди, дея хабар бермоқда Associated Press.
«Бутун мамлакат тақдирини Донецк вилояти ҳал қилади. Одамлар камроқ бўлса, биз душманга кўпроқ эътибор қаратишимиз ва асосий вазифаларимизни бажаришимиз мумкин» — деган губернатор.
Associated Press агентлигининг ёзишича, губернаторнинг аҳолига мурожаати уруш бошланганидан бери амалга оширилган энг йирик эвакуациялардан бири бўлиши мумкин, гап 350 минг кишини олиб чиқиш ҳақида кетмоқда. Шу билан бирга, агентликнинг таъкидлашича, одамлар кетишни хоҳлайдими ва буни хавфсиз бажара оладими, аниқ эмас.
Изоҳ (0)