Навоий вилояти Кармана туманида содир бўлган йўл-транспорт ҳодисаси инсон ўлими билан якунланди. Бу ҳақда вилоят Ички ишлар бошқармаси хабар қилди.
Қайд этилишича, ҳолат тахминан соат 23:30 да Кармана тумани ҳудудидан ўтувчи М-37 автомобиль йўлининг 155-километрида содир бўлган. Фарғоналик ҳайдовчи (21 ёшли) ўз бошқарувида бўлган «КамАЗ» юк машинасида йўл қоидаларига амал қилмасдан, бир йўналишдаги велосипедчини автомашинанинг ўнг ён томони билан уриб юборган.
ЙТҲ оқибатида велосипед бошқарувчиси бўлган жабрланувчи (38 ёшли) оғир тан жароҳати билан шифохонанинг жонлантириш бўлимига ётқизилган. Кўрсатилган тиббий муолажаларга қарамай, фуқаро вафот этган.
Ҳолат юзасидан «КамАЗ» ҳайдовчисига нисбатан Жиноят кодексининг тегишли бандлари билан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ (0)